Djegia e mbeturinave në mes të rrugës në Shijak ka shqetësuar banorët. Për këtë, bëri denoncim Partia Agrare Ambientaliste e drejtuar nga Agron Duka, deputet e zonës së Shijakut duke kërkuar marrjen e masave të menjëhershme.
Sipas reagimit të tij, është rikthyer skema ku mbetjet digjen natën për të mos u parë qytetarët, por shndërrohen në rrezik serioz për shëndetin e tyre.
“Është rikthyer e njëjta skemë, kur mbetjet digjen natën, për të mos u parë nga qytetarët. Pamjet tregojnë renë e tymit që pushton hapësirën, duke u shndërruar në një rrezik serioz për shëndetin e qytetarëve. Vetë banorët kanë filmuar dhe denoncojnë këtë gjendje. Si deputet i asaj zone, unë bashkohem me shqetësimin e tyre dhe kërkoj marrjen e masave për ti dhënë fund menjëherë, kësaj praktike “menaxhimi” të mbetjeve. Djegia e mbetjeve në hapësira publike është tashmë një krim mjedisor, ndaj dhe unë nxis organet ligjzbatuese të hetojnë për këto raste”, shkruan Duka.
Për këtë denoncim ka reaguar Bashkia e Shijakut duke thënë se njerëz të papërgjegjshëm i kanë vënë zjarrin disa shkurreve dhe një konteineri, ndaj morën masa menjëherë për vënien në kontroll të situatës. Ndër të tjera thuhet dënon çdo veprim që del kundër interesit të përbashkët për një qytet më të pastër ndërsa nuk lejojnë këto veprime në dëm të mjedisit.
“Bashkia Shijak, duke u nisur nga një denoncim i bërë nga një subjekt politik, mori masa të menjëhershme për shuarjen dhe vënien në kontroll të situatës së zjarrit të krijuar. Disa njerëz të papërgjegjshëm i kanë vënë zjarrin disa shkurreve dhe një kontieneri.
Politikat tona mjedisore janë gjithmonë në nxitje të ruajtjes së mjedisit dhe shëndetit të qytetarëve, për këtë reagimi ynë ka qenë i menjëhershëm pas denoncimit të bërë. Publiku meriton t'i serviret ngjarja siç është në të vërtetë, jo siç pretendohet të jetë, për të tentuar të prishni imazhin publik apo punën e palodhur të bashkisë, vetëm nga veprimi që kryen disa njerëz të papërgjegjshëm.
Shijaku është vendi ku jetojmë çdo ditë dhe rrisim fëmijët tanë, ndaj kurrsesi nuk mund të lejojmë të kryhen veprime në dëm të mjedisit. Detyra ime është të mbroj interesin më të lartë të banorëve të Shijakut dhe të dënoj çdo veprim që del kundra këtij interesi të përbashkët për të pasur një qytet sa më të pastër dhe me cilësi të jetuari. Ku ka vullnet, ka zgjidhje!”, thuhet në reagimin e Bashkisë së Shijakut.
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Komisioni për Veprimtaritë Prodhuese/ Kërkohen amendime për buxhetin 2025! Agron Duka: Fermerët të subvencionohen për primin
21 Nëntor, 16:09 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53
