Agron Gjekmarkaj: Berisha ka lënë gjurmë pozitive por nuk duhet të kthehet më në PD

I ftuar në ‘Open’ deputeti i partisë demokratike Agron Gjekmarkaj ka shprehur opinionin e tij sa i përket rikthimit të Berishës në PD. Sipas tij Berisha ka kontribuar pozitivisht në partinë demokratike por ka bërë mjaftueshëm. Rikthimi i tij nuk do të kishte vlerë në momentin që është bërë pas zgjedhjeve. Ndër të tjera vendimin e Bashës e cilëson si të ndikuar nga rrethanat që i ishin krijuar.

“Nuk shoh shanse, për një rikthim të Berishës, mendoj që dhe nuk duhet të rikthehet sepse çfarë ka pat për të dhënë i ka dhënë dhe ka lënë gjurmë pozitive sipas meje. Kjo lëvizje e tij do kishte vlerë para zgjedhjeve, që të hapte një diskutim për PD. Ose nëse do të kishte një mea culpa.”, deklaroi Gjekmarkaj.

Deputeti shtoi më tej: Në optikën time, është veprimi i tij, por ai nuk i kërkon ndihmë anëtarësisë por me ndikimin e tij e kërkon atë, nuk po dialogon, por po shpall atë që ka marrë si vendim të tij.

LEXO EDHE:
PD: Të shpallen muzë kombëtar kampi i të Burgosurve në Spaç dhe kampi i internimit Tela me Gjemba në Tepelenë

‘Unë besoj që, këtu s’kishte skenar as të keq as të mirë, ishte i vetmi për Bashën në rrethanat që u krijuan.’, përfundoi Gjekmarkaj.

G.MO/Shqiptarja.com

TAG:
• lulzim basha
• PD
• sali berisha
• agron gjekmarkaj