Një tjetër viktimë është regjistruar në Minneapolis, SHBA, nga një përplasje e agjentëve të emigracionit dhe emigrantët e paligjshëm në vend. Viktima e dytë është Alex Pretti ndërsa Renee Good u qëllua për vdekje më 7 janar.

CNN ka zbardhur raportin fillestar të Sigurisë Kombëtare. Këto ngjarje të njëpasnjëshme kanë nxitur zemërim tek qytetarët dhe protesta të vazhdueshme, të cilat kërkojnë tërheqjen e trupave të dislokuara në zonë në kuadër të luftës që administrata e Donald Trump ka nisur kundër emigracionit.

Dy oficerë qëlluan me armë gjatë përplasjes fatale me Alex Pretti-n në Minneapolis gjatë fundjavës, sipas një raporti fillestar për Kongresin nga Departamenti i Sigurisë Kombëtare të shqyrtuar nga CNN.

Raporti, nga hetimi fillestar i Doganave dhe Mbrojtjes Kufitare për të shtënat me armë ndaj Prettit, thotë se një oficer bërtiti disa herë: “Ai ka armë” përpara se dy oficerë të qëllonin ndërsa agjentët përlesheshin me të.

Raporti vazhdon: “Rreth pesë sekonda më vonë, një agjent i Patrullës Kufitare e qëlloi me armën e tij Glock 19 dhe një oficer i Doganave dhe Mbrojtjes Kufitare gjithashtu e qëlloi armën e tij Glock 47.”

Raporti nuk thotë konkretisht nëse plumbat e qëlluar nga të dy personat e kanë goditur Prettin.

Pyetjet nëse oficerët qëlluan me armën e zjarrit të Prettit gjatë përleshjes kanë qarkulluar rreth të shtënave vdekjeprurëse, të cilat kalimtarët i filmuan nga kënde të shumta ndërsa zhvillohej përleshja dhe vrasja pasuese.

Megjithatë, sipas raportit, oficerët qëlluan me armë zjarri të agjencisë. Një analizë e CNN-së e pamjeve të disponueshme të përplasjes zbuloi se një oficer dukej se ia hoqi armën e zjarrit Prettit nga beli pak çaste para të shtënave.

Raporti, nga hetimi i brendshëm i Doganave Kufitaee i udhëhequr nga Zyra e Përgjegjësisë Profesionale e agjencisë, e cila heton sjelljen kriminale nga oficerët e saj, është i pari që del nga hetimet e shumta në vazhdim për të shtënat, duke përfshirë ato nga agjencia e Sigurisë Kombëtare dhe Byroja e Kapjes Penale e Minesotës.

Raporti shton se “pas të shtënave, një (agjent i Patrullës Kufitare) njoftoi se ai kishte në dorë armën e zjarrit të Prettit. Byroja më pas sekuestroi dhe siguroi armën e zjarrit të Prettit në automjetin e tij.”

Oficeri i Mbrojtjes Kufitare “i preu rrobat Prettit dhe i ofroi ndihmë mjekësore duke i vendosur garza në plagët në gjoks”, thotë raporti.

Sipas raportit, përpara të shtënave, një oficer i Patrullës Kufitare “u përball me dy qytetare që po u frynin bilbilëve”.

Oficeri i "urdhëroi të largoheshin nga rruga dhe ato nuk lëvizën. Oficeri i shtyu të dyja dhe njëra prej tyre vrapoi drejt një burri, i identifikuar më vonë si 37-vjeçari Alex Jeffrey Pretti, një qytetar amerikan".

Oficerët u përpoqën ta merrnin Prettin në paraburgim dhe “Pretti u rezistoi përpjekjeve të personelit të Mbrojtjes së Doganave, nga ku pasoi një përleshje”, thuhet në raportin fillestar.

Më shumë se 10 minuta pasi Pretti u qëllua dhe u vra, Shërbimet Mjekësore të Emergjencës së Departamentit të Zjarrfikësve të Minneapolis e transportuan në Qendrën Mjekësore të Hennepin, ku u shpall i vdekur rreth orës 9:32 të mëngjesit.

Hetuesve “u thase do të kryhej një autopsi nga personeli mjekësor” dhe do të bëjnë një kërkesë për rezultatet zyrtare kur autopsia të përfundojë, përfundon raporti.