‘Ai nga i cili isha frymëzuar...!’ Rama ironizon përsëri Berishën me bufin e kënetës me maska dhe një ‘Joker’: Më sulmoi si armik në mënyrë të pandershme! (VIDEO)

Kryeministri Edi Rama ka postuar përsëri ditën e sotme (30 mars) një video me buf kënete, me sfond një nga fjalimet e Sali Berishës, ku i kundërpërgjigjet ironive dhe sulmeve të kreut të mazhorancës.

Në serinë e radhës, kryetari i PS ka vendosur një buf në majë të pemës dhe pas një dege që rrotullon kokën dhe në sfond fjala e kreut të PD-së që flet për “sulm të pandershëm, të padrejtë dhe armiqësor”.

Teksa flet për mik që gjuan si armik dhe ‘gjetje në pozicion’, Berisha pranon se “personi nga i cili ishte frymëzuar, kishte humbur çdo betejë”, duke mos pranuar të merrte pjesë në betejën e radhës.

“Ai më sulmoi në mënyrë shumë të padrejtë, shumë të pandershme, më sulmoi si një armik. Tani një mik del dhe të gjuan si armik. Por ay më gjeti në pozicion. Këtë, ktë, këtë ta them me... nuk e kam thënë ndonjëherë këtë kurrë! Ai nga i cili unë isha frymëzuar, ai kishte humb çdo betejë. Ai kurrë nuk kishte duruar të marrë pjesë në betejë tjetër”, është fjala që shoqëron video-postimin e kryeministrit në Facebook, pa asnjë nënshkrim në krah, por vetëm me tre emoji “bufi”, “maskash” dhe “Joker”, duke personifikuar figurën e ish-kryeministrit në mënyrë negative dhe me simbole.

Postimi i kryeministrit Rama në Facebook

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?



×

Lajmi i fundit

Ikona e kinematografisë shqiptare Margarita Xhepa u shua moshën 91-vjeçare, Kiço Londo: Sot shpirti kombëtar është më i varfër! Esat Musliu: U trondita dje i urova ditëlindjen

Ikona e kinematografisë shqiptare Margarita Xhepa u shua moshën 91-vjeçare, Kiço Londo: Sot shpirti kombëtar është më i varfër! Esat Musliu: U trondita dje i urova ditëlindjen