POP 5

Lajmet më të lexuara të 5 minutave të fundit

Politikë

Kallëzimi për Berishën në SPAK/ Meçe në Report Tv: Haklajt i vrau shërbimi serb me urdhër të ish-kryeministrit! Petraj: SPAK ka një ‘minë’ në dorë

Sipas Meçes në atë kohë shërbimet sekrete shqiptare nuk i kishin këto lloj minash, ato diheshin sipas tij që kanë qenë të disponuara nga shërbimet serbe. 

Denoncimi i fundit i motrave Haklaj në SPAK për Kryetarin e Partisë Demokratike Sali Berisha ka qenë tema e diskutimit në Report Tv në ‘Studio Live’. Sipas dosjes Berisha akuzohet për disa vrasje të njohura të ndodhura në Tropojën e viteve ’97-98. Në akuzë dyshohet se vrasjet kanë përfshirë rreth 200 të rinj nga qyteti verior. Analisti Arben Meçe dhe avokati Edmond Petraj kanë dhënë të dhëna lidhur me çështjen. Sipas Meçes sherret në Tropojë i ka nisur Sali Berisha. Meçe ka dhënë detajin nga ngjarja e njohur e eleminimit të Haklajve me minat me telekomandë. Sipas Meçes në atë kohë shërbimet sekrete shqiptare nuk i kishin këto lloj minash, ato diheshin sipas tij që kanë qenë të disponuara nga shërbimet serbe. 

Meçe: Gjatë luftës së Kosovës, lufta e shërbimeve bëhej në terrirtorin kufitar të Shqipërisë. Shërbimi i NATO-s, Shërbimi jonë Sekret dhe shërbimi serb. Haklajt kanë qenë shenjestra e drejtpërdrejt e shërbimit serb. Nëqoftëse do të shihni denoncimin e Beqirit, ishte për gardën e republikës, se shumica e tyre ishin tropojan. Më përpara nuk ka patur luftë fisesh dhe politika hapi konfliktin e fiseve. Politika në Tropojë ishte Berisha, Berisha e solli në Tropojë dhunën dhe përçarjen. Influenca e tij erdhi kur ai njerëzit e vet i futi si militar në struktura. Janë dy persona që kanë drejtuar grushtin e shtetit në ‘97 dhe janë persona të rëndësishëm në ‘98. Mos harroni Haklajt e u goditën me minat e telekomanduara dhe ato nuk i njihnim ne. Minat e telekomanduar i kishte vetëm Serbia. 

Më tej Meçe ka folur dhe për ngjarjen e ç’armatosjes së batalionit të njohur ‘Farku’. ‘Farku’ sipas Meçes ka pasur qëllim hapjen e luftës civile pas çlirimit të Kosovës, por ishin Haklajt sipas analistit që bën të mundur ndalimin e këtij konflikti. 

Meçe: Kërnaja ka qenë bazë e NATO-s dhe aty bëheshin gjithë shërbimet dhe planet. Jemi në një periudhë si rrjedhim i luftës që vendet perëndimore i bën Beogradit, u pa e dukshme që ajo luftë do të shkonte drejt faktorit shqiptar. Në Gjermani u themeluan trupat kryesore për UÇK-në dhe pastaj u kthyen në formacione. Nëqoftëse në Kosovë kemi UÇK-në, në Shqipëri vepronte paralelisht dhe Farku dhe nuk i dihej linja. Këtyre iu dha urdhër ashtu siç ishin të hynë në Kosovë dhe kjo do çonte në luftë civile. Këtu hynë merita e Haklajve sepse Farku u çarmatos nga fisi i tyre. Falë asaj ndërhyrjeje Kosova shkoi në dorën e çlirimtarëve. 

Avokati Edmond Petraj ka folur për rëndësinë e kësaj dosjes. Sipas tij janë të gjithë elementët që SPAK ta konsiderojë çështjen me rëndësi të veçantë. Petraj tha se SPAK me këtë çështje sipas tij ka një sfidë prove.

Petraj: Kemi pjesë tjetër të provave që i vlerëson organi akuzës. SPAK i ka elementët që të nis hetimin. Parashkrim nuk ka, është neni 66. Kemi pjesën e cilësimit të veprës penale që ka bërë familja Haklaj, vrasje në rrethana cilësuese. Nëse provat dhe dëshmitë janë bindëse, i bie të shikojmë një sfidë të re për SPAK, është si 21 Janari dhe Gërdeci. E kemi folur për 21 Janarin dhe Gërdecin, që është një minë në dorën e SPAK. Sepse mendohet të kemi të bëjmë vrasje politike. Artan Hoxha ka bërë një material dhe në bashkëpunim me Poli Hoxhë, që kanë hyrë në kullën e Haklajve në atë kohë dhe ai është një material që duhet marrë në konsideratë.  

Vrasjet në Tropojë dhe ai që është zanafilla dhe ka larguar 200 të rinj në lule të rinisë është një dhe i vetëm Sali Ramë Berisha. Ndjekja që i bëhet çështjeve nga SPAK do nxjerrë një produkt dhe ata i kanë provat, duke thënë se dhe këta persona i kanë. Vrasjet kanë vajtur zinxhir. 
Rendit zhvillimet sipas orarit:
Ora 18:37
‘Gërdeci’ në SPAK, Meçe: Çështja mund të mbyllet pa u zbuluar e vërteta, Petraj: Duhet të merren me ata që bën tenderin

Çështja ‘Gërdeci’ ka qenë një nga temat që janë folur ditën e sotme në Report Tv në ‘Studio Live’. Arben Meçe, analisti i njohur ka thënë se sipas tij shqetësimi më i madh është se Gërdeci nuk mund të zbulohet.

Nga ana tjetër Petraj ka thënë se gjyqi duhet të marrë në konsideratë hetimin mbi strukturën që ka bërë tenderin. 

Petraj: Pjesa e Gërdecit nuk ka shumë nevojë të merresh me Mediun, ndërkohë ke gjithë pjesën e strukturës që kishte marrë tenderin. Duke qenë se kërkohen personazhe ke kërkuar një listë dëshmimtarësh dhe këta persona nuk paraqiten se nuk gjenden. Duke qenë se je palë në këtë çështje, unë e shikoj të vështirë si pikë te Gërdeci. 

Meçe: Ajo që mua më shqetëson është që çështja e Gërdecit mund të mbyllet pa u zbuluar e vërteta. Ky gjyq është manipulimi më i madh që i bëhet çështjes. Ata e kanë kaluar në çështje administrative. Ndërkohë nuk është ky gjyqi, gjyqi janë armët e zhdukura, depot e armëve. Autorët e vërtetë të Gërdecit, po tallen me ne duke i na dalë çdo ditë në televizor. Autoritet ishte ai që kishtë autoritetin e plotë absolut që kishe në dorë dhe qeverinë. 
 

H.K/Shqiptarja.com

H.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Kenia njohu Pavarësinë e Kosovës, presidenti Begaj: I gëzuar, falenderoj mikun tim Rutto për këtë vendim të shumëpritur nga shqiptarët

Kenia njohu Pavarësinë e Kosovës, presidenti Begaj: I gëzuar, falenderoj mikun tim Rutto për këtë vendim të shumëpritur nga shqiptarët

26 Mars, 16:10