AKKP, emrat e 410 pronarëve që
do të përfitojnë nga fondi 2.2 mln $ 

TIRANE- AKKP ka bërë me dije se ka nisur procesin e pranimit të kërkesave për dëmshpërblim të 410 pronarëve, tokat e të cilëve janë prekur nga ndërtimet pa leje. Përmes një njoftimi zyrtar, Agjencia e Kthimit të Kompensimit të pronave, fton pronarët në fjalë për të aplikuar për të përfituar kompensimin financiar për tokat e zëna nga ndërtimet pa leje, në dispozicion të të cilëve është vënë nga Këshilli i Ministrave fondi prej afro 2.2 milionë dolarësh.

“Me këtë rast AKKP fton të giithë subjektet e interesuara, emrat e të cilëve janë miratuar me VKM Nr.616, datë 07.07.2015 shpërblimin e pronarëve mbi sipërfaqet takuese të pasurive të paluajtshme, pronë private, që preken nga ndërtimet informale", të paraqiten pranë zyrave tona për dorëzimin e kërkeses per kompensim nga fondi i ALUIZNI-t”, thekson në njoftim AKKP.