AKSHI në kërkim të mundësive të mëdha, Karçanaj pret delegacionin nga Emiratet e Bashkuara Arabe

AKSHI në kërkim të mundësive të mëdha, Karçanaj pret delegacionin nga Emiratet e Bashkuara Arabe

Përfaqësues të AKSHI dhe delegacioni nga Emiratet e Bashkuara Arabe

Shqipërisë i shtohet edhe një aleat tjetër në rrugën e saj të zhvillimit të projekteve dhe iniciativave në fushën e Teknologjisë së Informacionit dhe Komunikimit. 
SH.T.Z Abdulla Lootah, Zëvendësministër i Çështjeve të Kabinetit për Konkurrencën dhe Shkëmbimin e Përvojave,

SH.T.Z  Sulieman AlMazroui, Ambasador i Emirateve të Bashkuar Arabe në Greqi dhe ambasador jo-rezident në Republikën e Shqipërisë, 
Znj. Manal BinSalem, Drejtuese e grupit të programit të shkëmbimit të përvojave qeveritare dhe një delegacion.  
ekspertësh, gjatë vizitës së tyre në Tiranë, u pritën në #TechSpace nga drejtuesja e AKSHI-t Mirlinda Karçanaj dhe stafi i saj organizativ, me qëllim, krijimin e urave të para të bashkëpunimit mes dy vendeve mike për projekte konkrete në fushën e #TIK dhe #kodimit. 

“Emiratet e Bashkuara Arabe janë një vend lider në investime miliardëshe në teknologjinë e informacionit. Ku do nisim një bashkëpunim që do i sjellë shumë Shqipërisë. E ardhmja do jetë plot mundësi për teknologjinë dhe do kemi shumë punë përpara”, u shpreh Karçanaj. 

Kreu i AKSHI-t vlerësoi se kontributi i UEA-s do të jetë mjaft i vlefshëm, ndaj shprehu entuziazmin për nisjen sa më parë të bashkëpunimit dhe zbatimit të nismave të para bilaterale. 

Agjencia Kombëtare e Shoqërisë së Informacionit synon përmes agjendës digjitale të rrisë me disa fish kapacitetet e Shqipërisë në vitet e ardhshme, duke nisur fillimisht me edukimin. Shqipëria do të ketë së shpejti 200 laboratorë të teknologjisë në shkolla bashkë me mesues të trajnuar siç duhet, të cilët do të jenë të aftë të mësojnë fëmijët me kurikulën më të mirë ndërkombëtare. 

Të paktën 10 qendra moderne rinore kreative në 10 qytete të Shqipërisë do të jenë funksionale dhe do tu mundësojnë nxënësve të gjithë bazën materiale për të vënë në jetë aftësinë e tyre digjitale.

A.M./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete