POP 5

Lajmet më të lexuara të 5 minutave të fundit

Kronikë

Aksi rrugor Fier-Ballsh në degradim, drejtuesit e mjeteve: Paguajmë taksat, po na dëmtohen mjetet

Me gropa të shumta dhe rrëshqitje në shumë pjesë të saj, rruga që lidh Ballshin me Fierin, është kthyer në shqetësim për drejtuesit e automjeteve. Ata ankohen se nga prezenca e gropave në rrugë ju janë dëmtuar edhe mjetet. Teksa bëjnë thirrje që të zgjidhet kjo gangrenë e cila e shoqëron këtë rrugë prej vitesh.

Rruga nacionale Ballsh-Fier, është kthyer në një shqetësim mjaft të madh për banorët e 6 fshatrave të Mallakastrës dhe drejtuesit e automjeteve për shkak të amortizimit në të gjithë gjatësinë e saj prej 20 km.

Situata është problematike prej shumë kohësh, por pavarësisht kërkesave të shumta dhe transmetimit në televizione, deri tani nuk është marrë asnjë masë për rikonstruksionin e saj. Banorët e zonës shprehen se autostrada e ka çuar drejt degradimit këtë aks.

“Ka vite pa u rregulluar. Është lënë komplet në harresë”, tha një banor.

“Rruga është shumë shumë e keqe. Nuk e di pse ka ndodhur kjo, por është shumë e keqe”, u shpreh një tjetër.

“Tek kjo rrugë kemi pasur probleme tërë kohës. Kemi kërkuar. Nuk e di se çfarë bën qeveria. Nuk është mirëmbajtur. Nuk  është bërë asnjë lloj investimi. Vetëm gënjejnë. As kanalizime, asgjë. Po të kalosh do prishet. E kanë lënë pas dore se ju ka interesuar andej”, tregoi një shofer.

Përveç rrugës, shqetësuese për qytetarët mbetet edhe ura që lidh zonën e Mallakastrës me Fierit, pasi të dyja anësoret e saj janë dëmtuar, dhe janë krijuar çarje të asfaltit në të.

“Na është bërë hall me vetë kjo ura e Mallakastrës. Kemi shqyer makinat. Paguajmë detyrimet një për një në shtet. Ka shtet a nuk ka. Është rrugë nacionale. Ca e kalueshme. Pasagjeri thotë obobo. Na shkunde zorrët”, tregoi një qytetar.

“Nuk hedhin një karrocë tek ura. I ka të çara. Është hapur ura”, shtoi një tjetër.

I pyetur për këtë situatë, kryetari i Bashkisë së Mallakastrës, Qerim Ismaili jashtë kamerës shprehet se kjo rrugë varet nga ARSH dhe jo nga institucioni që ai drejton.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pse na dhembin këmbët? Si t’i kurojmë natyralisht dhe kur duhet të shqetësohemi

Pse na dhembin këmbët? Si t’i kurojmë natyralisht dhe kur duhet të shqetësohemi

27 Janar, 16:16