POP 5

Lajmet më të lexuara të 5 minutave të fundit

Kronikë

EMRI/ Aksident i rëndë pranë Liqenit Artificial në Tiranë, përmbyset makina, vdes studenti i Akademisë së Sigurisë

Një aksident fatal pranë Liqenit Artificial i ka marrë jetën një të riu. Arjan Shahaj, student i Akademisë së Sigurisë ndërroi jetë në vend pasi makina e tij u kthye përmbys

TIRANË- Arjan Shahaj, 29-vjeç, student në Akademinë e Sigurisë ka ndërruar jetë si pasojë e një aksidenti të rëndë që ndodhi mesditën e sotme në kryeqytet.

Aksidenti fatal u shënua në Unazën e Madhe në Tiranë pranë Liqenit Artificial. I riu sipas bluve të Tiranës, po udhëtonte me një makinë tip ‘MiniCooper’ dhe u përplas me makinën me drejtues shtetasin Y.R. Ky i fundit u dërgua në spital dhe ndodhet jashtë rrezikut për jetën.

Dyshohet se Arjan Shahaj, ka humbur kontrollin e drejtimit të makinës si pasojë e lagështisë në rrugë. Ai është përplasur fillimisht me pjesën metalike në të djathtë të rrugës, sapo nis ngjitja e mbikalimit dhe pastaj ka përfunduar deri te trafikndarësja. 29-vjeçari ndërroi jetë në vend.

Report Tv solli pamjet nga vendi i ngjarjes, ku nga përplasja e rëndë është kthyer përmbys dhe thuajse e shkatërruar krejtësisht.

Grupi hetimor ndodhet në vendngjarje dhe po punon për sqarimin e rrethanave të aksidentit.

'Më datë 08.11.2023, në afërsi të liqenit artificial, automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R. Si pasojë e aksidentit, ka humbur jetën në vendngjarje, shtetasi A. Sh. (student në Akademinë e Sigurisë). Grupi hetimor ndodhet në vendngjarje dhe po punon për sqarimin e rrethanave të aksidentit.'- njofton policia.

Rendit zhvillimet sipas orarit:
Ora 16:44
FOTO/ Kush është student i Akademisë së Sigurisë që vdiq në aksidentin pranë Liqenit Artificial

1699458093_arjanshahaj.jpg

Arjan Shahaj, 29-vjeçar, student në Akademinë e Sigurisë ka ndërruar jetë si pasojë e një aksidenti që ndodhi mesditën e sotme në afërsi të Liqenit Artificial në Tiranë.

Dyshohet se viktima ka humbur kontrollin nga lagështia. Ai është përplasur fillimisht me pjesën metalike në të djathtë të rrugës, sapo nis ngjitja e mbikalimit dhe pastaj ka përfunduar deri te trafikndarësja.

Ndërkohë një tjetër mbeti i plagosur.

M.Q./Shqiptarja.com

Ora 15:57
Makina e shkatërruar krejtësisht, pamjet e rënda nga aksidentit me vdekje në Tiranë

Arjan Shahaj, student i Akademisë së Sigurisë ka ndërruar jetë si pasojë e një aksidenti fatal që pësoi ditën e sotme në afërsi të Liqeni Artificial.

Siç shihet makina e kuqe tip ‘MiniCooper’ që udhëtonte i riu, është shkatërruar krejtësisht. Studenti i cili ishte në vitin e tretë ka ndërruar jetë në vend.

M.Q./Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albanistanasi: 08/11/2023 19:38

    Nje kamikaz me pak?

    Përgjigju
    • Andi: 09/11/2023 00:08

      Ca thua ore kur si njihni njerzit, he se shef zoti..

  • Gripi: 08/11/2023 17:44

    Nuk humbet kontrolli nga lageshtia nese ti respekton limitet e shpejtesise dhe kodin rrugor. Shpejtesia e larte dhe papergjegjshmeria e drejtuesve te mjeteve rezulton me pasoja fatale duke rrezikuar edhe jeten e atyre qe i respektojne ate. Jo me larg se sot nje kafshe me makine megjithse po binte shume shi na parakaloi ne krah te kundert me shpejtesi mbi 90 km/h te mbikalimi i Rinasit. Makina i beri disa zigzake derisa u stabilizua. Me kete veprim te papergjegjshem rrezikoi perplasjen dhe jeten e rreth 5 shofereve te tjere.

    Përgjigju
  • Agron: 08/11/2023 16:54

    Ngushellime te riut qe humbi jeten (nese eshte njeri normal,nese eshte nga ata plehra shofere qe te rrine gjith rruges ne autostrade ngjit pas makines duke ta bet me drita per ti hap rrugen atehere cfare kerkoi gjeti rruge te mbare).

    Përgjigju
  • Tirona: 08/11/2023 16:46

    Ngushëllime familjes. Gjynof se paska qen çun i ri por një gjo mbo përshtypje :A keni tv në shpi a shifni lajmet a lexoni gazata...Jemi për REKORDE GUINES o i dashur popull ...në më pak se 1 jav mbi 20 aksidente... STOP SHPEJTËSIS se e zbrazëm venin,po boni gara kush do me ik më shpejt nga kjo jetë.. Kapelja policit nuk ësht kundrra vdekjes ashtu siç nuk ësht asnji profesion tjetër. GJYNOF

    Përgjigju
    • Astrit: 08/11/2023 20:20

      Ai iku!

  • Sondazhi i ditës:

    Si i vlerësoni potestat e dhunshme të Rithemelimit tek Bashkia?

Lajme të tjera



×

Lajmi i fundit

Meloni krah Ramës pas emisionit 'Report' të Rai3: U linçua se ndihmoi Italinë

Meloni krah Ramës pas emisionit 'Report' të Rai3: U linçua se ndihmoi Italinë

28 Prill, 13:11