Aksident, autobusi del nga rruga
6 të vdekur dhe 29 të plagosur

Në Mus të Turqisë lindore ditën e sotme ka ndodhur një aksident, ku një autobus ka dal nga rruga si pasojë e trafikut të mbingarkuar në rrugë.

Si pasojë e aksidentit kanë humbur jetën 6 persona dhe kanë ngelur të plagosur 29 të tjerë.

Pas daljes nga rruga autobusi është rrokullisur disa herë në rrugën Mus-Bingol.

Menjëherë në terren ka shkuar një numër i lartë i ambulancave të cilat kanë transportuar të plagosurit në spitalet e Mus dhe Bingol.

Sipas guvernatorit të Mus kanë humbur jetën 6 persona dhe janë plagosur 29 të tjerë. Ai u dërgoi ngushëllime familjarëve ndërsa të plagosurve u uroi shërim të shpejtë.

“Nga të plagosurit, 22 persona u shtruan në spitalin në Mus, kurse 7 në Bingol.

Gjatë aksidentit autobusi transportonte udhëtarët nga Hatay në Mus”.

Redaksia Online
A.D/shqiptarja.com