DURRËS- Një aksident i rëndë me pasojë vdekjen e një 18-vjeçareje u shënua mbrëmjen e 15 janarit, rreth orës 23:15, te Ura e Dajlanit, në hyrje të Durrësit. Drejtues i mjetit tip BMW X5, ishte një 26-vjeçar nga Fieri, i cili drejtonte mjetin me shpejtësi deri në 130/km në orë dhe në gjendje të dehur. I riu Arbër Xhaxhaj ka ngatërruar korsinë e lëvizjes. Burime nga grupoi hetimor sqarojnë për Report Tv se shoferi i dehur ka marrë rrugën e portit në vend të asaj të plazhit.
Nga shpejtësia e lartë është përplasur me trafik ndarësen, duke e çarë atë dhe me tej BMW-ja ka rënë nga mbikalimi duke rënë në 30 metra lartësi dhe më pas mjeti ka përfunduar brenda një dyqani që tregtonte lule. Për pasojë , kanë mbetur të plagosur edhe 2 këmbësorë të cilët pasi kanë marrë ndihmë mjekësore në spital janë larguar pasi ndodhen në gjendje të mirë shëndetësore. Ndërsa, 18-vjeçarja Vikena Greku, pasagjere në sediljen e parë ndërroi jetë në vendin e ngjarjes.
Report Tv solli edhe pamje nga vendi i ngjarjes, ku duket makina e bërë 'palë' nga përplasja e fortë, aq sa është dashur ndërhyrja e forcave zjarrfikëse për nxjerrjen e dy të rinjve që ndodheshin brenda automjetit.
Burime policore thanë se ai po e ngiste makinën në gjendje të dehur, ç’ka ka ndikuar drejtpërdrejt në humbjen e kontrollit. Në spital, 26-vjeçari iu nënshtrua testit të alkoolit, ku rezultoi me 0.50 mg/l. Pas kryerjes së veprimeve, policia i ka komunikuar të riu arrestin në spital për veprat penale “Shkelja e rregullave të qarkullimit rrugor”, me pasojë vdekjen, dhe “Drejtimi i automjeteve në mënyrë të parregullt”.
Mësohet se në një pjesë të mbikalimit të Urës së Dajlanit janë duke u kryer punime në njërën korsi, ndërsa rruga ka qenë e pajisur me sinjalistikë dhe tabela paralajmëruese.
Policia e Durrësit ka arrestuar 26-vjeçarin Arbër Xhaxhaj, i cili ishte i dehur në timon, dhe për shkak se humbi kontrollin e makinës, ra nga Ura e Dajlanit, dhe për pasojë mbeti viktimë pasagjerja 18-vjeçare.
Nga shpejtësia e lartë është përplasur me trafik ndarësen, duke e çarë atë dhe me tej BMW-ja ka rënë nga mbikalimi duke rënë në 30 metra lartësi dhe më pas mjeti ka përfunduar brenda një dyqani që tregtonte lule.
"Në vijim të informacionit të dhënë mbrëmë, mbi aksidentin rrugor te ura e Dajlanit, me pasojë vdekjen e shtetases V. G., informojmë se shërbimet e Policisë Rrugore kryen menjëherë veprimet hetimore të nevojshme, me qëllim zbardhjen e rrethanave të aksidentit. Në përfundim të këtyre veprimeve, u bë arrestimi në flagrancë i drejtuesit të automjetit në të cilin ishte pasagjere shtetasja V. G., shtetasit A. Xh., 26 vjeç, për veprat penale “Shkelja e rregullave të qarkullimit rrugor”, me pasojë vdekjen, dhe “Drejtimi i automjeteve në mënyrë të parregullt”.
Nga hetimet rezultoi se 26-vjeçari ka humbur kontrollin mbi automjetin që drejtonte në gjendje të dehur, dhe si pasojë, automjeti është përplasur me barrierat anësore të urës dhe ka rënë nga ajo. 26-vjeçari vijon të jetë në kujdesin e mjekëve, aktualisht jashtë rrezikut për jetën, ndërsa 2 këmbësorët e dëmtuar kanë marrë asistencën mjekësore të nevojshme dhe janë larguar në banesa.", thuhet në njoftimin e policisë.
Vikena Greku është 18-vjeçarja që ka humbur jetën si pasojë e aksidentit tragjik në Durrës, ku një mjet ‘fluturoi’ nga Ura e Dajlanit dhe ka përfunduar brenda një biznesi që tregtonte lule. Mjeti drejtohej nga 26-vjeçari Arbëri Xhaxhaj, i cili sipas Policisë së Durrësit ka qenë i dehur në timon. Pas aksidentit të riut i është bërë edhe testi i alkoolit, ku ka rezultuar i dehur në masën 0.5 mg/l.
Mësohet se i riu ka qenë me shpejtësi mbi 130 km në orë. Te Ura e Dajlanit ka ngatërruar rrugën, në vend të merrte korsinë e plazhit ka marrë të portit. I ka rënë trafik ndarëses dhe ka fluturuar sipër bordurës së urës dhe ka përfunduar në rrugën poshtë.
"Rreth orës 22:15, të datës 15.01.2026, te ura e Dajlanit, në lagjen nr. 4, automjeti me drejtues shtetasin A. Xh., 26 vjeç, banues në Fier, ka rënë nga mbikalimi.
Si pasojë e aksidentit, ka ndërruar jetë pasagjerja, shtetasja V. G., 18 vjeçe, ndërsa janë dëmtuar drejtuesi i automjetit, shtetasi A. Xh., si dhe dy këmbësorë, shtetasit T. T., 33 vjeç, dhe A. M., 35 vjeç, të cilët ndodhen në spital nën kujdesin e mjekëve,- njofton policia.
Komente
Lajme të tjera
-
“Rruga është më keq se në 1964-ën”- Banorët e fshatit Luz të Fushë-Krujës sërish në protestë, Policia nis hetimet ndaj 3 personave
4 Shkurt, 16:31 -
Ujësjellësi i Durrësit mesazh për qytetarët: Nesër do të ketë problematika në furnizimin me ujë të pijshëm
4 Shkurt, 14:38 -
Shkolla ‘Kushtrimi i Lirisë’ në Durrës hap dyert për 767 nxënës, Rama: Standarde bashkëkohore për mësimdhënien!
4 Shkurt, 13:51 -
Mbi 1 vit në Porto Romano, çfarë do ndodhë me 2800 ton mbetjet e rrezikshme të Kurum? Ekzekutohen 20 masa sigurie nga 33
4 Shkurt, 09:45 -
Makina përplas motorin pranë mbikalimit të Shkozetit, plagoset shoferi
3 Shkurt, 20:53 -
DOSJA “KURUM”/ Koncesionari gjerman i kalatës lindore në Port depozitoi 4 herë mbetje të rrezikshme pa asnjë siguri! Shiti koncesionin pas 3 javësh
3 Shkurt, 19:22 -
Vrasja e Dorian Shkozës, dëshmon Henrik Hoxhaj: Ma kërkoi Nuredin Dumani, për 70 mijë euro! Ishte me makinë pas meje kur ndodhi ekzekutimi
3 Shkurt, 11:22
-
Banorët protestojnë për rrugën e fshatit Luz: Kamionët kalojnë mbi trotuar për të shmangur gropat, kemi frikë të dërgojmë fëmijët në shkollë
3 Shkurt, 08:34
-
Aksident në Pukë/ ‘Audi’ humb kontrollin, përfundon i përmbysur 10 m poshtë rrugës (VIDEO)
2 Shkurt, 20:15 -
Bleu karburant me dollarë falso, ndalohet 24-vjeçari në Durrës
2 Shkurt, 15:31 -
Aksident rrugor me pasojë vdekjen në aksin Nikël–Larushkë, arrestohet punonjësi i policisë
2 Shkurt, 12:40 -
Aksident rrugor në Vlorë, kamionçina del nga lungomare, rrëzohet nga 7 metra lartësi dhe përfundon në breg të detit! Momenti kur shoferi i lënduar nxirret nga mjeti (VIDEO)
2 Shkurt, 11:25
Njeri kot, merr me qaf dhe te tjeret se per ate nuk me vjen keq
PërgjigjuI dehur per Shqiperi, ne Amerike eshte 0.08, 0.05 esht 2 gota birre. Problemi pra nuk eshte dehja tamam tamam por fakti qe ktu kemi te bejme me kafshe qe nuk rrespektojne ASNJE lloj rregulli. Ai edhe esell te ishte pa pi fare prap ashtu do perfundonte kriminel.
PërgjigjuDuhet te dwnohet per vrasje nese del gjalle ky pleh
PërgjigjuBrezi i ri po ecin me shpejtesi shume te larte edhe ne qytete edhe pa nevoje, po e keqpeedorin patenten dhe mjetin vozites ! Duhet nje sensibilizim ne media per shpejtesine dhe rregullat! Ngushéllime per rastin ne fjale , brezi i ri duhet te vleresoje jeten dhe kohen , mjeti duhet te perdoret me pergjegjesi
PërgjigjuJemi thjeshte nje popull injorant dhe i pa shkolluar dhe si te tille skemi frike.
nuk e ka fajin mosha brezi po alkoli dhe gjerat e tjera qe te humbin ndergjegjie reali me shpejtesi kane bere dhe amxhoren por tek te rinjte adrenalina esht e pa kontrolluar se nuk kane sens pergjegjshmerie