POP 5

Lajmet më të lexuara të 5 minutave të fundit

Kronikë

VIDEO/Aksident i rëndë në Tiranë, përplasen 2 makina në fshatin Bërxullë! Njëri mjet përfundon në lokal, humb jetën fëmija 7 vjeç që ishte brenda

Një aksident i rëndë ndodhi këtë pasdite në fshatin Bërxullë në periferi të Tiranës, ku një 7 vjeçar humbi jetën nga përplasja e dy automjeteve. Fëmija, sipas banorëve të zonës ishte brenda lokalit të babit të tij kur u aksidentua për vdekje.

Një i mitur vetëm 7 vjeç, ishte preja e radhës e aksidenteve në kryeqytet. Pasditen e kësaj të shtune, ai po qëndronte në lokalin e babait të tij që gjendet buzë rrugës 'Shkëndija' në fshatin Bërxullë, kur nga përplasja e dy automjeteve humbi jetën.

Siç duket edhe nga pamjet, lokali ka pësuar dëme të konsiderueshme, çka tregon se përplasja ka qenë shumë e fortë. Policia bën të ditur në njoftimin e saj, se fëmija ndodhej në rrugë kur ndodhi përplasja fatale, ndërsa një banor i zonës tregon për Report Tv se i mituri ndodhej brenda në lokalin në pronësi të babait të tij dhe shtoi se i mituri ndërroi jetë në vendngjarje.

Dy drejtuesit e mjeteve janë të moshave 30 dhe 63 vjeç, ndërsa policia ka ngritur një grup hetimor për sqarimin e rrethanave. Në raportin e Institutit të Statistikave mbi shkaqet e vdekshmërisë së shqiptarëve, thuhet se 2 për qind e tyre vijnë pikërisht nga aksidentet.

Ndërsa në raportin e posaçëm për aksidentet rrugore, të publikuar në muajin prill INSTAT vëren se u numëruan 69 aksidente rrugore nga 92 të ndodhura në Të njëjtën periudhë të vitit të kaluar. Megjithatë numri i aksisdenteve vijon të jetë i lartë, shpesh me pasoja fatale.

Rendit zhvillimet sipas orarit:
Ora 20:54
PAMJET pas aksidentit tragjik në Tiranë/ Banori: Fëmija ishte në lokalin e babait kur u përplas për vdekje

Report Tv sjell pamjet pas aksidentit tragjik në Tiranë, ku fëmija i moshës 6-7 vjec u godit për vdekje pasi u përplasën 2 makina në fshatin Bërxullë.

Një banor i zonës bën me dije se fëmija ishte në lokalin e babait të tij që duket se është dëmtuar nga goditja e 2 makinave.

/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gorica: 04/06/2023 05:49

    nuk ka as shtet as ligje....vazhdoni , ...dilni more e rrifini me dru si qemoti....po vijne e po ju vrasin ne shtepite e lokalet e juaja....

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06