Aksident në Malësi të Madhe, 24-vjeçari përplas për vdekje këmbësorin 77 vjeç! Shoqërohet në polici

Foto ilustruese

MALËSI E MADHE- Një aksident me vdekje është regjistruar në aksin Shkodër – Koplik. Ku një i ri ka përplasur për vdekje një këmbësor 77 vjeç.

Ngjarja ka ndodhur rreth orës 05:40, ku i riu E. I., 24 vjeç, banues në Gostivar, përplasi këmbësorin, i cili nuk mbijetoi dot për shkak të plagëve të marra. Drejtuesi i mjetit është shoqëruar në polici.

“Rreth orës 05:40, në aksin rrugor Shkodër - Koplik, mjeti me drejtues shtetasin E. I., 24 vjeç, banues në Gostivar, Maqedoni e Veriut, ka përplasur shtetasin këmbësor M. P., 77 vjeç, banues në Omaraj, Malësi e Madhe.  Si pasojë e përplasjes, shtetasi këmbësor ka humbur jetën. Ndërkohë drejtuesi i automjetit është shoqëruar në ambientet e Komisariatit të Policisë Shkodër. Grupi hetimor ndodhet në vendngjarje dhe vijon punën për sqarimin e rrethanave të aksidentit”, njofton policia.

Lajmi kryesor:

Aksident në aksin Kuçovë-Belsh, i riu humb kontrollin e mjetit dhe përplaset me mbrojtëset metalike, vdes pasagjeri! 26-vjeçari përplas për vdekje këmbësorin në Malësi të Madhe

SI.E./Shqiptarja.com

TAG:
• Shkoder