Një aksident me vdekje është regjistruar pasditen e sotme në aksin rrugor Milot - Laç në vendin e quajtur "Ish - Uzina e Superfosfatit". Aksidenti ka ndodhur rreth orës 18:40.

Sipas policisë A.G. 23-vjeç  banues në Milot duke drejtuar mjetin e tij  ka aksidentuar këmbësoren  Zamira Daci 44-vjeçe, banuese në Laç,  e cila për pasojë ka ndërruar jetë në vend, pasi përplasja ka qenë fatale.

Grupi hetimor në vendngjarje vazhdon veprimet për zbardhjen e shkaqeve të aksidentit. Sot janë shënuar edhe dy aksidente të tjerë me tre të plagosur në Lushnje dhe Korcë.