BULQIZE - Një aksident i rëndë u shënua mesditën e sotme në minierën në Thekën të Martaneshit. Dy minatorë të cilët punonin si vagonistë në minierë u zunë poshtë nga shembja e një masivi mineral teksa po punonin.
Si pasojë e plagëve të marra minatori Armond Peshku, vetëm 29 vjeç humbi jetën, ndërsa shtetasi Hajdar Bala, rreth 40 vjeç është transportuar në spital për ndihmë mjekësore informoi policia e Dibrës. Aksidenti i rëndë u shënua sot rreth orës 12:50 minuta (21 maj 2024). Report Tv e Shqiptarja.com mëson se Bala është nisur me urgjencë me helikopter drejt spitalit të Traumës në Tiranë ku dhe iu nënshtrua operacionit. Bëhet me dije se gjendja e tij është stabël, por ka fraktura dhe dëme në shtyllën kurrizore.
Burime paraprake për Report tv bëjnë me dije se subjekti minerar në të cilin ka ndodhur aksidenti është 'Ylberi sh.p.k"
"Me datë 21.05.2024, rreth orës 12.50, dyshohet se janë aksidentuar gjatë punës në një subjekt minerar në Thekën, Martanesh, shtetasi A.P., dhe H.B., të dy me detyrë vagonist në minierë. Si pasojë e plagëve të marra shtetasi A.P., ka humbur jetën, ndërsa shtetasi H.B., është transportuar në spital për ndihmë mjekësore"
Grupi hetimor në drejtimin e Prokurorisë, po punon për zbardhjen dhe dokumentimin e rrethanave të kësaj ngjarjeje.
Aksidentet në miniera vijojnë të jenë një problem shqetësues, ndërsa statistikat për vitin 2023 flasin për 26 minatorë të plagosur, një pjesë e të cilëve kanë mbetur të gjymtuar. Përgjatë vitit të kaluar, një minator nuk mundi të mbijetojë dhe humbi jetën. Aksidentet në miniera përfshihen në listën e 3 sektorëve me incidencën më të lartë, bashkë me ndërtimin dhe fasoneritë.
‘Tragjedi e përsëritur’, e ka cilësuar kështu humbjen e jetës së 29-vjeçarit Armond Peshku në minierën e Martaneshit, kreu i Partisë së Lirisë Ilir Meta.
Përmes një postimi në rrjetet sociale, Meta shprehet se minatorët marrin paga të ulëta dhe ato pak të ardhura nuk u mjaftojnë as për të blerë ilaçe.
Sipas tij, edhe pse bëjnë një punë të vështirë, ata sot nuk gëzojnë as statusin e minatorit.
"Rilindja" ka qëllim vetëm të vjedhë dhe të ndajë pasuritë publike me shfrytëzuesit e minierave, oligarkët, dhe nuk i bëhet vonë fare për minatorët që as ilaçe nuk blejnë dot për të kuruar mushkëritë dhe sakrifikojnë aq shumë për bukën e gojës sa humbin edhe jetën.
Partia e Lirisë i ka përkrahur gjithmonë minatorët e mashtruar nga “Rilindja” që sot nuk kanë as status minatori dhe asnjë lloj përfitimi për punën e vështirë, që kanë kryer”, tha ai.
Meta tha, se PL mbështet propozimet e minatorëve.
“Ne i mbështesim të gjitha propozimet e minatorëve, veçanërisht për miratimin e statusit të minatorit, të përfitimit të 135% të pagës minimale, si dhe të garantimit të plotë të shërbimeve shëndetësore falas, përfshi ilaçet për kurimin e sëmundjeve kronike që u janë shkaktuar nga nëntoka”, tha ai.
Aksidenti i rëndë u shënua mesditën e sotme në minierën në Thekën të Martaneshit, ku minatorët të cilët punonin si vagonistë në minierë u zunë poshtë nga shembja e një masivi mineral teksa po punonin. Si pasojë e plagëve të marra minatori Armond Peshku, vetëm 29 vjeç humbi jetën, ndërsa shtetasi Hajdar Bala, rreth 40 vjeç u transportua në spital për ndihmë mjekësore.
Komente
Lajme të tjera
-
Plagoset rëndë minatori në Bulqizë! Biznesi i kromit po merr jetë, dy të vdekur dhe një i plagosur për një muaj
29 Qershor, 17:12 -
Plagoset minatori në minierën e Bulqizës! 45- vjeçari dërgohet drejt traumës në Tiranë
29 Qershor, 11:28 -
Dibër/ Shpërndanin lëndë narkotike në doza, në pranga 27-vjeçari, 5 të tjerë në hetim
23 Qershor, 10:33 -
Klos/ U konfliktua me vëllanë e tij, arrestohet 38-vjeçari! Sekuestrohet një pistolë
22 Qershor, 10:52 -
Peshkopi/ Hodhi fishekzjarre pas mesnate në oborrin e një shkolle, nis hetimi ndaj 28 vjeçarit
21 Qershor, 10:05 -
Organizonte lojëra fati në lokal, arrestohet në flagrancë 32-vjeçari në Dibër
18 Qershor, 11:46 -
Selita e Mirditës, në kërkim të turizmit malor! Artistë e poetë promovojnë natyrën e traditën
16 Qershor, 13:30 -
Bulqizë/ 19-vjeçarja kallëzon në polici se kërcënohet në rrjete sociale nga persona të panjohur
13 Qershor, 11:50 -
E majta humbet shumicën në këshillin bashkiak të Dibrës! Të djathtët mocion për shkarkimin e kryetares Irini Shehu
11 Qershor, 16:47
-
VIDEO/ Aksident në ‘Rrugën e Arbrit’, dy makinat bëhen shoshë pas përplasjes, shoferët në spital
11 Qershor, 08:34 -
Banorët e 8 fshatrave në Bulqizë pa rrugë, gropa të thella dhe baltë! Bashkia: S’kemi fonde për asfalt
9 Qershor, 16:18
-
'Veri Jug' reportazh në Peshkopi! 'Veipi i qershive të Dibrës': Më mirë fermer, se pushtetar
9 Qershor, 14:10
A ka ndonje dite ku nuk vdesin punetore ne Shqiperi? Lart e me lart po e con lideri suprem.
PërgjigjuTe rroje Zamir Mane dhe horrat e tjere pronare galerish se minatore ka prape.