Një aksident ka ndodhur pasditen e sotme në Vlorë, pranë ish-shtëpisë së Oficerëve. Dy mjete janë përplasur dhe për pasojë, njëra prej tyre ka përfunduar brenda një lokali duke dëmtuar fasadën e jashtme.
Dy persona, shoferi i një prej makinave të përfshira në aksident dhe pasagjerja kanë mbetur të plagosur që po transportohen në spital për të marrë trajtim mjekësor.
“Sot, rreth orës 17:30, në lagjen “28 Nëntori”, një automjet tip "Benz" me drejtues shtetasin A. A., 29 vjeç, është përplasur me një automjet tip “Ford” me drejtues shtetasin B. S., 28 vjeç, automjeti i këtij të fundit, si pasojë e përplasjes ka dëmtuar fasadën e jashtme të një lokali. Gjithashtu si pasoje e aksidentit, kanë ngelur të dëmtuar lehtë drejtuesi i automjetit tip “Benz” dhe pasagjerja që ndodhej në të, të cilët pas marrjes së mjekimit, dolën nga spitali.
![]()
Drejtuesve të automjeteve, të dy të pajisur me leje drejtimi, ju krye testi i alkoolit i cili rezultoi 0. 254 mg/l për shtetasin A. A dhe 0. 000 mg/l për shtetasin B. S”, njofton policia.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)