TIRANË- Një aksident i trefishtë është regjistruar pasditen e kësaj të hëne në zonën e "Astirit", ku dy persona kanë mbetur të plagosur rëndë! Ngjarja ka ndodhur në rrugën " Teodor Keko", ku janë përplasur një taksi, kamion dhe një motor, ku kanë mbetur të plagosur drejtuesi i motorit dhe pasagjeri, të identifikuar me inicialet  M.K dhe pasagjer K.A.

"Më datë 29.06.2020, rreth orës 16:15, në afërsi të Ish-doganës, janë përfshirë në aksident mjetet me drejtues shtetasit N.P., J.P., si dhe mjeti motor me drejtues M.K dhe pasagjer K.A., të cilët kanë mbetur të dëmtuar, dhe u dërguan menjëherë në spital, ku ndodhen nën kujdesin e mjekëve", njofton Policia. 

Dy të plagosurit, kanë qëndruar të shtrirë për disa minuta në tokë, ku ndihmën e parë ua kanë dhënë qytetarët. Siç shihet në videon që Report Tv disponon, dhjetëra qytetarë janë mbledhur rreth të plagosurve për t'u dhënë ndihmë, edhe pse shihet që gjendja e tyre është e rëndë. Në vendngjarje, pas disa minutash, për shkak të trafikut të rënduar që ka në këtë zonë, kanë mbërritur tre ambulanca.

Dy të plagosurit janë dërguar me Urgjencë në Spitalin e Traumës.

1593441682_ASTIR.jpeg

Momenti kur të plagosurit janë shtrirë rëndë në rrugë