VIDEO/ Po 'fluturonte' me rreth 120 km në orë, furgoni del nga rruga dhe përfundon në kantierin e ndërtimit te Rrethrrotullimi i TEG-ut! Dy të plagosur

TIRANË- Një aksident ka ndodhur mesditën e sotme te rrethrrotulli i TEG-ut përgjatë në autostradën Tiranë-Elbasan, ku kanë mbetur të plagosur dy persona. Furgoni me drejtues shtetasin A.H, duke drejtuar mjetin e tij furgon, ka humbur kontrollin dhe ka dalë nga rruga ku ka përfunduar në kantierin e ndërtimit ku po punojnë punëtorët për ndërtimin e mbikalimit. Për pasojë kanë mbetur të plagosur drejtuesi i furgonit si dhe pasagjeri K.K, të cilët janë dërguar në spital dhe ndodhen jashtë rrezikut për jetën. Burime bëjnë me dije se furgoni po vinte nga Unaza e Madhe, nga Surreli me shpejtësi 120 km në orë, dhe nuk ka frenuar duke përfunduar drejt e në gropën e kantierit.

'Më datë 11.02.2022, rreth orës 12:30, në afërsi të rrethrrotullimit të TEG-ut, shtetasi A. H., duke drejtuar mjetin e tij fugon, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë është dëmtuar drejtuesi i mjetit, shtetasi A. H., dhe pasagjeri K. K., të cilët ndodhen në spital, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.'- njofton policia.

 

Rendit zhvillimet sipas orarit:
Ora 13:12
Doli nga rruga te rrethrrotullimi i TEG-ut dhe përfundoi në kantierin e ndërtimit, pamje nga furgoni i shkatërruar krejtësisht

Këto janë pamjet nga aksidenti që ndodhi mesditën e sotme në aksin Elbasan-Tiranë, te rrethrrotullimi i TEG-ut. Siç shihet furgoni ka dalë nga rruga dhe ka përfunduar në kantierin e ndërtimit, ndërsa të plagosur kanë mbetur shoferi dhe pasagjeri.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis i cilësisë së lartë

VIDEO/ Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis i cilësisë së lartë