Dy djem të rinj kanë humbur jetën në një aksident tragjik që ka ndodhur në orët e para të mëngjesit të sotëm në hyrje të qytetit të Peqinit.

Mësohet se automjeti me të cilin udhëtonin doli nga rruga dhe u përplas me shkallët e një shtëpie.

Si pasojë e përplasjes së fortë, mbetën të vdekur dy të rinj nga Peqini, të dy 24 vjeç, Gabriel Lluca dhe Denis Korbi.

24-vjeçari Gabriel Lluca ishte drejtues i automjetit, kurse i riu tjetër pasagjer.

Report Tv ka siguruar edhe pamjet pak çaste pas aksidentit të rëndë, ku duket makina e shkatërruar.

Aksidenti ka ndodhur pas mesnate, ndërsa shkaqet nuk dihen.

Grupi hetimor i policisë ka nisur punën për zbardhjen e rrethanave.

Vetëm gjatë muajit gusht janë regjistruar 16 viktima si pasojë e aksidenteve automobilistike.

Rreth orës 02:00, në vendin e quajtur "Ura e Teqes", Peqin, automjeti që drejtohej nga shtetasi G. Ll., 24 vjeç, ka dalë nga rruga.

Si pasojë e aksidentit kanë humbur jetën drejtuesi i automjetit shtetasi G. Ll. dhe pasagjeri në këtë automjet shtetasi D. K., 24 vjeç.

Grupi hetimor në drejtimin e Prokurorisë po punon për zbardhjen e rrethanave dhe shkaqeve të aksidentit.

(Foto: Viktima Gabriel Lluca)

(Foto: Viktima Denis Korbi) 
Rendit zhvillimet sipas orarit:
Ora 12:43
Vdiq pas përplasjes me makinë në Peqin, historia prekëse e Gabriel Llucës! Kur ishte fëmijë i mbijetoi aksidentit me makinën që i kaloi sipër trupit

Një detaj prekës që ka dalë në dritë pas aksidentit është historia personale e njërit prej viktimave, Gabriel Lluca.

Në moshën 8-vjeç, ai i kishte mbijetuar një aksidenti të rëndë pranë derës së shkollës “Demir Godelli” në Peqin ku ndodhet edhe shtëpia e familjes Lluca, kur një automjet i kishte kaluar sipër trupit duke i shkaktuar fraktura dhe plagë të shumta.

Asokohe, historia e tij kishte prekur zemrat e shumë njerëzve për fatin e madh, pas mbijetesës së tij të mrekullueshme. Por fati nuk e kurseu këtë të diel fund gushti. 12 vite më vonë, Gabriel Lluca humbi jetën në mesnatën që lamë pas  nga një  aksident tragjik në qytetin e tij duke lënë pas  një dramë e boshllëk të madh në familje dhe në mesin e bashkëmoshatarëve si një djalë energjik, i dashur dhe gjithmonë  i buzëqeshur.

Gabrieli ishte një nga katër fëmijët e familjes Lluca, ndërsa babai i tij Agroni ndërroi jetë tri vite më parë. Policia ka nisur hetimet për të zbardhur rrethanat e aksidentit dhe po shqyrtohen kamerat e sigurisë në zonë si dhe po bëhen verifikime për shpejtësinë e mjetit dhe gjendjen e rrugës në momentin e ngjarjes. /TCH

Ora 10:21
Aksidenti tragjik në Peqin, Report Tv siguron pamjet e makinës së shkatërruar

Gazetari i Report Tv, Sokol Dema, ka siguruar pamjet pak çaste pas aksidentit tragjik të ndodhur në orët e para të mëngjesit të sotëm në Peqin, ku një makinë ‘Volkswagen Golf 6’ u përplas me shkallët e një shtëpie, duke shkaktuar vdekjen e 2 të rinjve.

Si pasojë e këtij aksidenti humbën jetën Gabriel Lluca dhe Denis Korbi, të dy 24 vjeç dhe nga Peqini.

Në pamje shihet automjet i shkatërruar tërësisht në pjesën e përparme, me dëmtime edhe në motor.

Sipas policisë, mjeti humbi kontrollin dhe doli nga rruga duke u përplas te shkallët e një shtëpie.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • filip: 31/08/2025 13:51

    Është tmerr dy të rinj.....përse nuk e kuptojnë që shpejtësia të ha kokën....cfardo rruge e vështirë të jetë po ecet me shpejtësinë që tregojnë tabelat nuk të gjen gjë.....

    Përgjigju
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera