Aksidenti dje te 'Shkalla e Tujanit'/ Shkon në 2 numri i viktimave, rruga ishte në ndërtim...nën hetim kompania! Arrestohet shoferi

TIRANË- Rëndohet bilanci i aksidentit të ndodhur mesditën e së dielës te ‘Shkalla e Tujanit’, duke shkuar në 2 viktima. Report Tv mëson se ditën e sotme ka ndërruar jetë Defa Kaloshi 73-vjeçe, nëna e shoferit, Neki Kaloshi.

Ajo u dërgua ditën e djeshme me urgjencë në spitalin e Traumës, por nuk ia doli që t'i mbijetonte plagëve të marra. Vendi ku ndodhi aksidenti është kantier ndërtimi, për pasojë bëhet e ditur se është vendosur nën hetim kompania që po kryente punimet për të zbardhur nëse janë respektuar masat e sigurisë.

Ditën e djeshme ndërroi jetë në vend Hidër Daci 68-vjeç, fqinj i Hoxhës Neki Kaloshi, ndërsa babai i këtij të fundit ka marrë plagë të lehta dhe ndodhet jashtë rrezikut për jetën. Hoxha Neki Kaloshi është vënë në prangat e policisë.  Siç shihet në foton e siguruar nga Report Tv, shoferi ka dalë humbur kontrollin duke dalë nga rruga, duke rezultuar fatale për jetën e 2 personave.

"Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit N. K., 42 vjeç, pasi ditën e djeshme, në vendin e quajtur “Shkalla e Tujanit”, duke qarkulluar me mjet në një zonë që është kantier ndërtimi, ka humbur kontrollin e mjetit dhe si pasojë kanë humbur jetën dy pasagjerët, shtetasi H. D., 68 vjeç, (i cili ka humbur jetë në vendngjarje) dhe shtetasja D. K., 73 vjeçe ( e cila si pasojë e plagëve të marra ka humbur jetë në spital)", njofton policia.

Makina e aksidentuar 

Rendit zhvillimet sipas orarit:
Ora 10:04
Aksidenti te 'Shkalla e Tujanit'/ Kush janë dy viktimat (FOTO)

Dy viktimat Defa Kaloshi dhe Hidër Daci dhe të plagosurit Neki Kaloshi (shoferi) dhe babai i tij

Report Tv ka siguruar fotot e 2 viktimave që humbën jetën në aksidentin tragjik të ndodhur mesditën e djeshme te 'Shkalla e Tujanit'. Viktima është Defa Kaloshi 73-vjeçe, nëna e shoferit, Neki Kaloshi dhe Hidër Daci 68-vjeç.

B.K./r.k./Shqiptarja.com
  • Sondazhi i ditës:

    A do të ketë shitblerje të votës edhe më 25 prill?

Komento


×

Lajmi i fundit

John

Pse Basha fshihet çdo 21 janar?