Aksidenti me 3 viktima në Bulqizë, arrestohet 28-vjeçari, drejtues i 'Benz'-it me targa angleze

Është arrestuar Edison Lazri, drejtuesi i automjetit ‘Benz’ me targa angleze që u përplas me automjetin tjetër në aksin rrugor Bulqizë-Maqellarë. 28-vjecari ndodhet në spitalin e Traumës duke marrë trajtim mjekësor.

“Specialistët e Sektorit të Policisë Rrugore në DVP Dibër, arrestuan shtetasin E.L., 28 vjeç, banues në fshatin Bllatë, Dibër. Arrestimi i tij u bë pasi me datë 04.01.2023 rreth orës 18.15, në aksin rrugor Bulqizë-Maqellarë në urën e fshatit Gjoricë duke drejtuar automjetin tip 'Benz', është përplasur me një automjet tjetër tip 'Benz', që drejtohej nga shtetasi K.I., 55 vjeç, banues në Maqellarë.

Si pasojë e këtij aksidenti  humbi jetën drejtuesi i mjetit shtetasi K.I., dhe dy pasagjerët  M.I(D), 74 vjeç; L.I., 51 vjeçe. Po si pasojë e këtij aksidenti mbetën të lënduar shtetaset F.I., 55 vjeçe; K.M., 18 vjeçe; M.L., 24 vjeç dhe shtetasi E.L, të cilët po marrin ndihmë mjekësore në spital.

Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme”, njofton policia.

Lajmi kryesor:

Makinat të bëra ‘copash’ pas aksidentit tragjik në Bulqizë ku vdiqën 3 persona! Policia arreston 28 vjeçarin që drejtonte mjetin me targa angleze

A.M./Shqiptarja.com

TAG:
• rruga e arbrit
• Diber
• bulqizë
• lulzime istrefi
• murat istrefi
• kujtim istrefi
• Edison Lazri