Aksidenti në rrugën Memaliaj-Krahës ku ndërroi jetë 29-vjeçarja, arrestohet shoferi

Aksidenti në rrugën Memaliaj-Krahës ku ndërroi jetë 29-vjeçarja, arrestohet shoferi

Ledian Ibrahimi dhe Dhoksi Mango

Dhoksi Mango (Ibrahimi) 29-vjeçare ndërroi jetë në një aksident rrugor të dielën në aksin Memaliaj-Krahës.

Nënë e një djali 1 vjeçar, ajo udhëtonte në automjetin i cili drejtohej nga bashkëshorti i saj 35-vjeçar, Ledian Ibrahimi, i cili kishte vetëm 4 muaj që e kishte blerë makinën dhe ishte shofer i ri.

Automjeti i tyre u përplas me një tjetër makinë, e pas hetimeve të kryera policia arrestoi shoferin i cili mendohet të jetë bërë shkak për aksidentin, një 37-vjeçar.

‘Në vijim të informacionit paraprak të dhënë ditën e djeshme, për një aksident në aksin rrugor "Memaliaj-Krahës", si pasojë e të cilit humbi jetën 1 shtetase (pasagjere) dhe u dëmtuan 2 drejtuesit e automjeteve që u përplasën, ju informojmë se u bë identifikimi i shtetases që humbi jetën, Dh. I., 29 vjeçe, bashkëshortja e drejtuesit të njërit prej automjeteve, shtetasit L. I., 35 vjeç.

Gjithashtu, në përfundim të veprimeve procedurale të kryera për këtë rast, specialistët e Seksionit të Trafikut Interurban dhe Urban bënë arrestimin në flagrancë të drejtuesit të automjetit tjetër, shtetasin A. M., 37 vjeç, banues në Gjirokastër, për veprën penale “Shkelja e rregullave të qarkullimit rrugor”.

Të dy drejtuesit e dëmtuar vijojnë të jenë në kujdesin e mjekëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.’- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Deti i Kuq/ Grupi Houthis sulmojnë një anije amerikane

Deti i Kuq/ Grupi Houthis sulmojnë një anije amerikane