Deputeti Italian mesazh Melonit: Kërkoji Ramës drejtësi për dy turistët që humbën jetën në Sarandë! Më shumë zhurmë bëri fatura 80 Є

Deputeti italian Francesco Emilio Borrelli ka reaguar në lidhje me aksidentin e rëndë që iu mori jetën dy turistëve italianë dy ditë më parë në Sarandë.

Ai i kërkon kryeministres Giorgia Meloni të kërkojë drejtësi nga qeveria shqiptare për dy jetët e humbura duke theksuar se më shumë zhurmë  u bë për faturën e papaguar nga katër turistët në Berat ishte më e madhe sesa ajo për dy të rinjtë, Gritto Domenico dhe Vicenzo Tizziano që humbën jetën në aksidentin tragjik.

“Shpresoj që kryeministrja Giorgia Meloni të marrë masa në kohë për t’i kërkuar qeverisë shqiptare drejtësi për Domenico Gritto dhe Vincenzo Tizzano, dy të rinjtë nga Monteruscello që u përplasën për vdekje nga një makinë e  cila drejtohej nga një minoren i cili në asnjë mënyrë nuk mund të ishte në timon, siç konstatohet nga vetë Policia që po heton.

LEXO EDHE:
Bie në gropën e ashensorit të pallatit ku jetonte, plagoset efektivi në Sarandë! Niset drejt Tiranës për mjekim

Bëjeni me shumë këmbëngulje dhe vendosmëri me të cilën ndërhytw për të mbrojtur restorantin shqiptar duke paguar faturën prej tetëdhjetë eurosh për katër italianëtqë u larguan nga restoranti pa paguar. Fatkeqësisht, për momentin nuk është thënë asnjë fjalë për bashkëqytetarët tanë që humbën jetën në aksidentin tragjik, as nga ju dhe as nga kryeministri shqiptar Edi Rama. Fatkeqësisht, një faturë e papaguar në një restorant bën më shumë zhurmë se dy italianë që u vranë”, u shpreh deputeti i Alleanza Verdi Sinistra, Francesco Emilio Borrelli.

Aksidenti u shënua te enjten, e 24 gushtit, në orën 03:00 në aksin Sarandë-Ksamil në vendin e njohur si hidrovori. Në kthesë, 17-vjecari ka humbur kontrollin e mjetit për shkak të shpejtësisë dhe ka përfunduar në sensin e kundër të lëvizjes, duke u përplasur ballë për balle me motorin Honda. Si pasojë e goditjes së fortë, dy të rinjtë Domenico Gritto, 24 vjeç dhe Vincenzo Tizzano, 32 vjeç, humbën jetën në vend. Ata po ktheheshin me motor nga një lokal në Ksamil, pasi Tizzano kishte festuar ditëlindjen. 
Vetë adoleshenti gjatë dëshmisë në prokurori ka mohuar të ishte fajtori dhe ka pretenduar para hetuesve se nuk i ka prerë rrugën motorit.

S.G/Shqiptarja.com

TAG:
• Vicenzo Tizziano
• Gritto Domenico
• sarande
• Francesco Emilio Borrelli