TIRANË- Gjykata e Tiranës la në burg dy nga tre të arrestuarit për aksidentin tragjik që ndodhi mesnatën e 19 marsit në Fushë-Prezë ku humben jetën katër të rinjtë Enejd Laçi dhe tre pasagjerët në automjetin që ai drejtonte, vëllai i tij Erild Laçi, 20 vjeç që sapo morën në Rinas, shoku Enrikejd Kurti, 24 vjeç, dhe kushëriri Andi Laçi, 22 vjeç.
Me kërkesë të prokurorisë gjykata caktoi masën e sigurisë “arrest në burg” për shoferin e betonieres, Aleksandër Krrashi dhe kushëririn e tij që e ndihmoi të fshihej Vakentin Krrashi, ndërsa me “detyrim paraqitje” u la Danjel Koxha menaxheri i firmës 'Hel-Jon' ku shoferi ishte punësuar në të zezë.
Në dëshminë para gjykatës shoferi 24-vjeçar i cili nuk kishte patentë për të drejtuar betoniere tregoi se kishte ndalur mjetin në rrugë pasi i mbaroi karburanti, kur u përplas nga pas nga makina me shpejtësi gati 170 km/h e të rinjve dhe kishte harruar të ndizte bllokazhin. Ai deklaroi se doli nga betonierja dhe tentoi të hapë derën e makinës së të rinjve por nuk mundi dot pasi mori menjëherë flake. “U përpoqa maksimalisht t’i ndihmoj po dera e makinës nuk hapej. Lajmërova edhe një koleg, shofer të një betonierje tjetër, që të vinte për të më ndihmuar me shuarjen e zjarrit”, tha ai para gjykatës. 24-vjeçari u shpreh se në kushtet kur ishte e pamundur shpëtimi i të rinjve u largua nga frika e një hakmarrjeje.
Edhe kushëriri i tij, Valentin Krrashi mohoi të ketë larguar Aleksandrin nga vendi i ngjarjes me qëllim që të fshihej. Ai tha se shkoi për ta ndihmuar pasi edhe ai ishte dëmtuar në fytrë nga përplasja, e dërgoi në banesë për të ndërruar rrobat të cilat ishin djegur, dhe se më pas e dorëzoi në polici. Ndaj 24-vjeçarit prokuroria ngriti akuzën për “Shkelje të rregullave të qarkullimit rrugor”, “Drejtimi i automjetit në mënyrë të parregullt” dhe “Largimi nga vendi i aksidentit”.
Si ndodhi aksidenti?
Makina “Mercedes Benz” që drejtohej nga Enejdi Laçi, 25 vjeç, brenda së cilës ishin vëllai që sapo kishte marrë në Rinas, kushëriri dhe miku i tij, para se të përplasej me betonierën që kishte ndaluar në mes të rrugës pa ndezur bllokazhin, fillimisht parakaloi 2 kamionë pasi kishte hyrë në rrugën që të çon drejt Fushë-Krujës.
Nga verifikimi paraprak i bërë prej grupit hetimor, në parakalim, shpejtësia dyshohet të ketë qenë të paktën mbi 170 km/h. Megjithatë, sapo Enejdi kaloi në korsinë e tij të lëvizjes, përplasja me betonierën ishte e pashmangshme për shkak të distancës së shkurtër, mungesës së fushëpamjes nga 2 parakalimet e para dhe shpejtësisë së lartë me të cilën po lëvizte.
Mungesa e gjurmëve të frenimit tregon për grupin hetimor se drejtuesi i saj nuk e ka parë fare betonierën, përplasja me të cilën shkaktoi tragjedi duke e shpërthyer në flakë makinën e duke i lënë të katërt të rinjtë të pajetë.
24-vjeçari që drejtonte pa patentë betonierën, tashmë i arrestuar për 3 akuza nga policia, ka rrëfyer për hetuesit pse ndaloi në mes të rrugës pa ndezur sinjalet e bllokazhit. Sipas tij, sapo doli nga vendi i kompanisë së prodhimit të betonit ku punonte i padeklaruar, dhe kishte hyrë në rrugë, makina iu fik pasi sipas tij i mbaroi nafta. Ka provuar disa herë ta ndezë, por ka qenë e pamundur. Në afërsi ndodhet një pikë karburanti, tek e cila u tha hetuesve se shkoi për të marrë naftë, por gjatë kësaj kohe sipas tij, harroi të ndezë bllokazhin e makinës. Pas përplasjes ai u largua me ndihmën e kushëririt të tij, Valentin Krrashi, të dy të kapur pak orë më vonë.
Komente
Lajme të tjera
-
Dyshohet se abuzoi seksualisht me një të mitur, arrestohet 20-vjeçari në Tiranë! Zbardhet dëshmia e vajzës: Shkova te shtëpia e shoqes, më pas ajo thirri edhe dy djem
24 Mars, 12:41
-
Në Laknas ‘shtëpi bari’ si në Londër! Në burg dy vëllezërit e kthyer nga Anglia dhe elektriçisti! Bokset e muzikës shmangën zhurmën, aspiratori largonte aromën
24 Mars, 12:17
-
Sherr me sende të forta mes dy shoferëve në Kamëz, njëri përfundon në spital, tjetri në kërkim! Qëllohet me armë në ajër
24 Mars, 11:13 -
Do shiste pistoletën në Tiranë, arrestohet i riu! Nis hetimi edhe për një 23-vjeçar
24 Mars, 09:15 -
Kreu manovra të gabuara në autostradën Tiranë-Durrës, gjobitet drejtuesi i kamionit
24 Mars, 09:01 -
Nesër ndeshja Shqipëri - Andorra/ Policia e Shtetit publikon planin e masave të ndërmarra! Ja rrugët që do të bllokohen
23 Mars, 18:16 -
'Veri - Jug' sjell reportazhin ‘Pranverë në Prezë’, këshillat e dy agronomëve për fermerët
23 Mars, 14:48 -
Tiranë/ Operacioni policor “Two”, kapet dhe arrestohet 28-vjeçari i dënuar me 1 vit e 6 muaj burg
23 Mars, 13:42 -
Përplasi me makinë 3-vjeçarin dhe u largua nga vendngjarja, arrestohet shoferja 44-vjeçare në Tiranë
23 Mars, 13:16 -
Zgjedhjet e 11 majit/ Vota e Diasporës do të mblidhet dhe numërohet tek Parku Olimpik i Tiranës 'Feti Borova'
23 Mars, 10:58 -
Aksident tragjik në aksin Berat-Dimal, humb jetën 33-vjeçari (VIDEO)
23 Mars, 08:56 -
SPECIALE/ Për herë të parë pianistët shqiptarë përballen me ata të huaj! Konkursi ndërkombëtar 'Unë e adhuroj Shopenin' nxjerr në pah mangësitë
23 Mars, 08:29
Po te kishin EC me 370km ne ore do kishin shpetu.te pakten ktij shoferit te betonieres Si KENI shtu Ato akuzat me "pasoje vdekjen"sic e KENI zakon.
PërgjigjuDuhet te ndertohen shirit vizjezimi me fosfor keshtu naten shikohet karrexhiata
PërgjigjuNderkohe qe do presim te ndricohen rruget apo te kene shirita vijezimi ne albanistan mjafton qe vendalijte qe i njohin keta probleme mos te mos ecin ne parakalim me 170km/h sepse nuk ka vijezim as spital qe te ben derman ne rast te nje te papriture qe mund te te dale perpara.
Shqipet duhet te eleminojn udhtimet naten deri sa rruget Shqiptare te ndriçohen si ne EVROP.
Përgjigju170 km/h nqs ezhte e vertete nuk eshte pak per te levizur naten or teeeejjjjj
Përgjigju