Aksidenti tragjik në minierë,
PD: Përgjegjëse qeveria,bilanc lufte

Partia Demokratike ka azkuzuar qeverinë se është përgjegjëse për vdekjen e dy minatorëve  në minierën e Fushë-Lopës në Martanesh. Kordinatorja e PD-së Silvi Bardhi tha se situate në ninerat shqiptare është renduar dhe tani kemi një situatë lufte.

Për selinë blu që nga koha kur erdhi qeveria e re janë 13 viktima.
 
“Duam të denoncojmë përkeqësimin e minierave.  Kemi 0 reforma dhe një  gënjeshtër me moshën e pensionit, si dhe trafikim të licencave minerare”, deklaroi Sivi Bardhi, kordinatore në PD.

Fjala  e plotë e kordinatores së PD-së

Partia Demokratike është e shqetësuar për gjendjen e sigurisë në minierat tona.

Në krye të vitit pas ardhjes së kësaj qeverie në pushtet, ka sot një bilanc lufte, më dramatiku në vitet e fundit, me mbi 13 viktima.

Duke i shprehur ngushëllimet familjeve të dy viktimave të sotme në minierën e Martaneshit, Denain Barci e Xhemal Sela, duam të denoncojmë përkeqësimin në gjëndjen e sigurisë në miniera, paaftësinë e qeverisë, mashtrimin epokal që kanë bërë e bëjnë cdo ditë me minierat e me minatorët.

Zero reforma, përkeqësim në kushtet dhe trajtimin e minatorëve. Gënjeshtër e pashembullt me moshën e pensionit.

Të vetmet ndryshime të bëra, janë largimi i profesionistëve të repartit të inspektim-shpëtim minierave dhe zëvendësimi i tyre me militantë, si dhe trafikimi i licensave minerare për interesa klienteliste.

Të gjithëve iu kujtohet se cfarë bënte në opozitë, Edi Rama dhe Erion Veliaj kur ndodhte ndonjë incident në miniera. Nxirrnin vrer nga nëntoka e drejtonin gishtin nga qeveria. U përbetuan se me ta, minatorët do të ishin të sigurtë, do të dilnin në pension 55 vjec, e do të ishin të lumtur.

Ku janë sot Edi Rama dhe Erion Veliaj? Duke gërmuar në resorte turistike dhe nuk gjejnë asnjë sekondë kohë, as për të shprehur ngushëllime, teksa mbi supe nuk iu rëndon aspak përgjegjësia që kanë për humbjen e jetëve, për mungesën e sigurisë në punë, dhe për mashtrimin e turpshëm që kanë bërë për minierat dhe minatorët.



Redaksia Online
(g.f/Shqiptarja.com)