Parakalimi i gabuar shkaktoi aksidentin tragjik me 3 viktima në Fier! Arrestohet drejtuesi i mjetit, Mariglen Skënderaj

Drejtuesi i mjetit tip 'Opel', Mariglen Skënderaj, nga Çakrani bëri parakalim të gabuar dhe shkaktoi aksidentin tragjik me 3 viktima teksa ishte duke udhëtuar me bashkëshorten dhe vajzën e tij.

Polici i FNSH, Sokrat Lelaj dhe gruaja e tij Fatbardha Lelaj, ndërruan jetë nga aksidenti tragjik në aksin Levan-Tepelenë pranë fshatit Buzmadh të Fierit. Nga aksidenti ndërroi jetë edhe 78-vjeçarja Bylyre Salaj, vjehrra e efektivit. 

Çifti Lelaj lanë pas dy fëmijë të moshës 29 dhe 25 vjeç. Bilanci i aksidentit tragjik të ndodhur mbrëmë rreth orës 20:20 mbetën të vdekur 3 persona dhe 3 të plagosur pasi dy automjete tip "Opel Zafira" dhe "Ford" janë përplasur me njëri-tjetrin. Nga aksidenti, mbetën të plagosur 3 anëtarë të familjes Skëndreaj, Mariglen Skënderaj 43 vjeç Gladiola Meraj 31 vjeç dhe vajza e tyre 6-vjeçare.

Sipas pamjeve të siguruara nga Report Tv, mjetit tip 'Opel' është shkatërruar plotësisht ndërsa 'Fordi' ka përfunduar në kanal nga përplasja e fortë.

Rendit zhvillimet sipas orarit:
Ora 11:14
Aksidenti tragjik me 3 viktima në Fier, arrestohet Mariglen Skënderaj! Bëri parakalim të gabuar

1654803637_Capture.JPG

Mariglen Skënderaj, drejtuesi i automjetit ‘Opel Zafira’ është arrestuar për veprën penale “Shkelja e rregullave të qarkullimit rrugor”. Mësohet se aksidenti tragjik në aksin Levan-Fier, ku u përplasën dy automjete dhe humbën jetën efektivi i FNSH, gruaja dhe vjehrra e tij ndodhi për shkak të parakalimit të gabuar nga Mariglen Skënderaj.

Ora 10:35
Aksidenti tragjik në Fier, rëndohet gjendja e vajzës 6 vjeçare, niset drejt Traumës

1654802164_fier.jpg

Është rënduar gjendja shëndetësore e vajzës 6 vjeçare që mbeti e plagosur pas aksidentit tragjik të mbrëmjes së ndjeshme në Fier.

Mësohet se vajza 6 vjeçare është nisur drejt spitalit të Traumës në kryeqytet ndërkohë që edhe  prindërit e saj janë në gjendje të rëndë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Doçi në ‘Repolitix’: Shkëlzeni sekser, mori 700 mijë euro nga biznesmenët se i favorizoi te Berisha! 400 mijë euro fatura fiktive të Argitës

Doçi në ‘Repolitix’: Shkëlzeni sekser, mori 700 mijë euro nga biznesmenët se i favorizoi te Berisha! 400 mijë euro fatura fiktive të Argitës