POP 5

Lajmet më të lexuara të 5 minutave të fundit

Kronikë

Organizoi trafikun e 7 emigrantëve që vdiqën në aksidentin tragjik të Këlcyrës, arrestohet 24-vjeçari! Tentoi t’i ikë policisë me motor

Arrestohet një prej organizatorëve të trafikut të emigrantëve të cilët humbën jetën tragjikisht në aksidentin e Këlcyrës. 24-vjeçari i shpallur në kërkim është kapur në Shkodër, ndërsa ka tentuar t’i ikë policisë me motorin që po lëvizte.  

Katër persona kishin organizuar trafikun e 7 emigrantëve nga Pakistani të cilët humbën jetën tragjikisht në një aksident në Këlcyrë më 4 prill. Policia ka arrestuar sot një prej organizatorëve, Stivljano Ndou, 24 vjeç, ndërsa 2 të tjerët, A. Gj. dhe R. D., u arrestuan më datë 03.04.2024.

Edhe shoferi, Edison Bregaj, që po transportonte emigrantët kishte organizuar trafikun bashkë me 3 të tjerët, por ai humbi jetën në aksidentin tragjik.

24-vjeçari Stivljano Ndou që ra sot në pranga, ishte shpallur në kërkim nga Policia e Gjirokastrës, ndërsa në momentin e lokalizmit ka tentuar që t’u ikë uniformave blu me motorin me të cilin po lëvizte në qytetin e Shkodrës.

"Si rezultat i kërkimeve të kryera nga shërbimet e Drejtorisë Vendore të Policisë Shkodër dhe koordinimit të punës me shërbimet e Policisë së Gjirokastrës, me qëllim kapjen e shtetasit të shpallur në kërkim për rastin e datës 02.04.2024, kur në një aksident rrugor, në aksin “Këlcyrë-Përmet”, humbën jetën 8 shtetas, 7 emigrantë nga Pakistani dhe drejtuesi i automjetit me të cilin transportoheshin ata, në kundërshtim me ligjin, u mundësua lokalizimi në Shkodër, kapja dhe vënia në pranga e shtetasit Stivljano Ndou, 24 vjeç, banues në Shkodër", njofton policia. 

Ndaj tij rëndon akuza “Ndihma për kalim të paligjshëm të kufijve”. Bashkë me tre të tjerët, 24-vjeçari kishte organizuar kundrejt pagesës trafikun e emigrantëve nga Pakistani. Ata ishin nisur nga Shkodra për në Gjirokastër dhe synonin kalimin e kufirit me destinacion final vendet e Bashkimit Europian. Por mjeti është pikasur nga policia dhe shoferi Bregaj ka tentuar që t’i ikë policisë, por mjeti ka përfunduar në anë të lumit Vjosa duke i marrë jetën atij dhe 7 personave që ndodheshin në makinë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu