Aksidenti tragjik në Qafë Muzinë, shoferi që humbi jetën i afërm i kryebashkiakut të Gjirokastrës: E bëri atë rrugë për 20 vjet pa një gabim në timon

Aksidenti tragjik në Qafë Muzinë, shoferi që humbi jetën i afërm i kryebashkiakut të Gjirokastrës: E bëri atë rrugë për 20 vjet pa një gabim në timon

Shoferi i furgonit Bardhyl Prodo i cili ndërroi jetë në aksidentin tragjik në Qafë Muzinë në aksin Sarandë Gjirokastër është i afërm i kryebashkiakut të Gjirokastrës, Flamur Golemi.

Golemi i ka kushtuar një dedikim të ndjerë shoferit të furgonit dhe thotë se ai kishte 20 vjet që e bënte të njëjtën rrugë e kurrë nuk kishte bërë një gabim në timon. Pesha e dhimbjes është e e rëndë për këdo që dëgjon për një lajm të kobshëm si ky nënvizon Golemi. Në fund ka bërë një apel që hetimet të zbardhin të vërtetën e ngjarjes por edhe për shoferët.

"Pa fjalë nga çfarë ndodhi sot në Muzinë, ku sa hap e mbyll sytë u këputën 5 jetë në një aksident tragjik. Pesha e dhimbjes është e rëndë për këdo që dëgjon një lajm të kobshëm si ky. Shumë më shumë për mua që humba të afërmin tim, Bardhin, shoferin fatkeq që e bënte atë rrugë për gati 20 vjet e kurrë nuk bëri një gabim në timon. Hetimet do të zbardhin të vërtetën e ngjarjes, që me siguri do të harrohet si shumë të tjera. Por ajo që duhet përsëritur vazhdimisht e vazhdimisht nga të gjithë ne, është një apel i thjeshtë: Mos rrezikoni jetën tuaj kur jeni në timon dhe as të të tjerëve që kalojnë në rrugë. Thirrini mendjes, qoftë me shpejtësinë, parakalimet e gabuara apo deri te përdorimi i celularit. Ngushëllime familjes Proda, familjes Korçari dhe Fediaieva. Shërim të shpejtë edhe për vajzat që morën lëndime", shkruan Golemi.


Lajmi kryesor:

Aksident tragjik në Qafë-Muzinë/ 22-vjeçarja me ‘Land Rover’ i pret rrugën, furgoni përfundon në greminë, vdesin 4 pasagjerë dhe shoferi! 4 të plagosur (VIDEO)


  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet