E reja shqiptare 24-vjecare, Aurela Perhati e cila u arrestua këtë të premte nga policia italiane me akuzën e vrasjes së 53-vjeçarit Italian, Massimo Garrita, ka dhënë së fundi dëshminë e saj ku tregon se gjithçka ka ndodhur për vetëmbrojtje, pasi viktima kishte tentuar ta përdhunonte.
Sipas mediave italiane, bëhet e ditur se gjatë mbrëmjes së të mërkurës shqiptarja është marrë në pyetje për rreth 6 orë ku Perhati ka rrëfyer versionin e saj të ngjarjes.
Duke e konsideruar një histori tragjike dhe fatkeqe, mësohet se avokati Luca Amerio, ka raportuar versionin e rrëfyer prej 24 vjeçares shqiptare. Bëhet e ditur se 24-vjeçarja shqiptare ka treguar se nuk e njihte më parë Massimo Garrittan e se rreth orës 18:45 të 31 dhjetori ka pranuar ta shoqërojë me makinë.
![](https://shqiptarja.com/template/img/NO_ALFA_Kuadrate shqiptarja.png)
Ajo ka rrëfyer se nuk ka patur qëllim ta shtypë, por është përfshirë nga paniku, kur ai uli pantallonat dhe tentoi ta përdhunonte, duke e tërhequr për ta zbritur nga makina në një zone pa lëvizje.
“Mendova se vetëm e kam prekur me makinë e jo aksidentuar deri në vdekje”, ka thene ajo, duke shtuar se as kishte nder mend ta vriste, por vetem te largohej sa me shpejt prej tij.
Prokurori i çështjes është deklaruar se “motivi i dhunës seksuale është për t’u marrë në konsideratë, por e gjithë alibia e ngitur mbetet ende për t’u verifikuar".
Sipas mediave lokale italiane avokati i saj mbrojtës Luca Amerio është shprehur se “nuk ka qenë vrasje e qëllimshme dhe e paramenduar. Ka qenë një rast tragjik e i pafat".
Shqiptarja, Aurela Perhati banuese prej dy vitesh në komunën e Ovadas në Itali, aktualisht ndodhte në burg. Ajo aksidentoi për vdekje pasditen e 31 dhjetorit, italianin Massimo Garitta, 53 vjeç i cili prej vitesh banonte në tënjëjtën zonë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)