"Qëllimi ynë është thjeshtimi i procedurave tatimore dhe fiskale. Qeveria ka vendosur të mos ndryshojë taksat dhe t'i transmetojë sipërmarrjes një garanci që sistemi tatimor do vijë duke u përmirësuar dhe thjeshtëzuar për përmirësimin e klimës së biznesit," u shpreh Ahmetaj.
Ministri i Financave shtoi se në 3 javët e ardhshme do të bëhet funksional platforma dixhitale, një aplikacion që do të quhet "tatimpaguesi dixhital" që do të jetë i përdorshëm në Android, PC dhe celularë.
Përmes këtij aplikacioni sipërmarrësit do të mund të informohen mbi procedurat tatimore si dhe mund të shprehin vërejtjet, opinionet dhe sugjerimet e tyre ndaj administratës doganore dhe tatimore.
Ahmetaj kërkoi një vëmendje më të madhe nga ana e Këshillit Tatimor, si organ këshillues.
Redaksia Online
(u.s/shqiptarja.com)
![](https://www.shqiptarja.com/template/img/sh_logo1.png)