Projekti i zgjerimit të Unazës së Madhe ka filluar të marrë jetë. Falë edhe bashkëpunimit të familjeve që kanë vendosur të zhvendosen në banesat sociale, Inspektorati i Mbrojtjes së Territorit ka vijuar për të katërtën ditë radhazi prishjen e ndërtimeve pa leje dhe lirimin e hapësirave që do mundësojnë ndërtimin e Unazës.
Aksioni u përqendrua në afërsi të rrethrrotullimit të Doganës, ku janë prishur disa objekte të tjera pa leje që shërbenin për aktivitete social-ekonomike. Gjithashtu makineritë e IMT-së kanë shembur edhe disa mure rrethuese të cilat gjithashtu përfshihen në gjurmën ku kalon projekti i zgjerimit të Unazës së Madhe.
Pas takimit që zhvilluan me kryetarin e Bashkisë së Tiranës, banorët e Astirit kanë nisur të bashkëpunojnë me IMT-në dhe ndërmarrjet e bashkisë për të lejuar zbatimin e këtij projekti. Një prej tyre ishte edhe Ukë Çelkolaj nga Tropoja, i cili mbajti fjalën e dhënë në atë takim dhe pranoi që dy objektet i tija të ndërtuara pa leje në gjurmën e Unazës së Madhe të prishen nga Inspektorati i Mbrojtjes së Territorit i Bashkisë Tiranë, duke i hapur rrugë tashmë vijimit të punës për realizimin e këtij projekti.
Qeveria dhe Bashkia e Tiranës është e vendosur që t’i japë qytetit një rrugë sipas të gjitha standardeve të kërkuara, çka jo vetëm do të sjellë një sistemim të të gjithë segmentit nga Pallati me Shigjeta deri te sheshi “Shqiponja, por edhe t'i japë zgjidhje trafikut në një nga zonat më problematike për qarkullimin e automjeteve.
Ndërkohë që për banorët që preken nga ky projekt dhe që i kanë ndërtimet konformë ligjit është ofruar shpronësim sipas përcaktimeve ligjore, ndërsa për gjithë banorët e tjerë që kanë ndërtuar pa leje në gjurmën e rrugës, Bashkia e Tiranës ka ofruar disa alternativa nga paketat e saja sociale, duke filluar që nga strehimi me prioritet në banesat sociale e deri te bonusi i qirasë për 3 vjet.
Komente
Lajme të tjera
-
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Unaza e Madhe e Tiranës do përfundojë brenda 2024-ës, në lotin e 6- të shpejtësia deri 140 km/orë
14 Tetor, 17:53 -
Vijojnë punimet për ndërtimin e Unazës së Madhe, projekti gati deri në fund të vitit
30 Shtator, 11:37 -
Unaza e Madhe, realizohen mbi 70% e punimeve në urën mbi lumin e Tiranës
20 Shtator, 08:54 -
Tiranë/ Aksidenti i trefishtë tek Unaza e Madhe, krijohet trafik i rënduar prej Kodrës së Diellit deri në Sauk
13 Gusht, 19:58 -
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet
22 Korrik, 10:45 -
Denoncimi i grupit të Bashës: 6 vite për 300 metra rrugë në Unazën e Madhe të Tiranës, Balluku premtoi përfundimin e punimeve në shtator 2023
20 Qershor, 15:39 -
Unaza e Madhe, realizohen 55% e punimeve në urat mbi lumin e Tiranës (FOTO)
20 Qershor, 10:46 -
VIDEO/ Realizohen rreth 70% e punimeve në lotin e 7 të Unazës së Madhe
30 Maj, 11:45 -
Pamjet nga punimet në Unazën e Madhe të Tiranës, Rama: Përfundon në fund të këtij viti
8 Maj, 16:51
Super vjedhja qe i intereson pozites dhe opozites, si nuk doli asnje politikan apo arkitekte te thote se projekti eshte gabim.
PërgjigjuTiranes dhe Populli Shqiptar duhet te ngrihet e tju kerkoj llogari si po prishet nje rruge qe u ndertua ca here. Sa kanalizime dhe sa peme dhe sa rroga dhe rryshfete jane ne kurriz te mjeraneve. Ok varjau shtepive qe pas 26 viteve qe dhe me koventa Europiane qe Shqiperia merr pjese jane LEGALE tashme por gjithe Ai buxhet, ne kurriz Të mjeraneve. SA MBAN KY POPULL.