Bashkia e Tiranës ka nisur prej disa ditësh një aksion të madh për pastrimin e zonës së Bregut të Lumit, ku punonjësit e terrenit dhe jo vetëm po punojnë me intensitet për largimin e mbetjeve të hedhura pa kriter nga qytetarë të papërgjegjshëm. Aksionit të pastrimit këtë të diel iu bashkua edhe kryetari i Bashkisë së Tiranës, Erion Veliaj, kryetari i Bashkisë së Kamzës Rakip Suli si dhe ministrja e Turizmit dhe Mjedisit, Mirela Kumbaro dhe zv/ministrja e Mbrojtjes Dallëndyshe Bici.
Kryebashkiaku Veliaj tha se mbajtja pastër e çdo zone në kryeqytet, nuk bën gjë tjetër veçse i rrit vlerën pronës.
“Ndotja ndodh nga banorët e zonës. Është për të ardhur keq sepse ky komunitet ka parë investimin më të madh. I është rritur vlera e pronës vetëm nga fakti që lumi tani nuk përmbytet më. Para 6 vitesh përmbytja e lumit shkonte deri tek “Siri Kodra”. Sot është bërë një investim i jashtëzakonshëm, por duhet mirëmbajtur. Ne mund të bëjmë mijëra kilometra rrugë, infrastrukturë, por njeriu duhet të punojë me mentalitetin e tij, sepse vetëm kështu ia rrit vlerën kësaj prone, për të cilën është rritur interesi edhe për shkak të lagjeve të reja që po bëhen”, theksoi Veliaj.
Ai u bëri thirrje qytetarëve që të reflektojnë dhe të mos ndotin ambientin ku jetojnë.
“Ftesa për të gjithë qytetarët është: Kjo nuk fitohet me një aksion. Mos e bëni për Edi Ramën, mos e bëni për ministren, mos e bëni për kryetarin e bashkisë, por për fëmijët tuaj. Kur del fëmija dhe luan në një fushë me plehra, është ai i pari që impaktohet, është shëndeti i tij, është ajo që merr frymë, është ushqimi që ha”, vijoi më Veliaj, teksa paralajmëroi se do merren masa për këdo që ndot ambientin.
“Ne do fillojmë të vëmë masa për të ruajtur fëmijën e banorit që hedh plehrat. Po vëmë masa, po gjobisim prindin, që të ruajmë fëmijën, sepse është e pamundur të vazhdohet kështu”, pohoi Veliaj.
Kryetari i Bashkisë së Kamzës Rakip Suli shprehu rëndësinë e mbajtjes së mjedisit pastër, ndërsa theksoi se për këtë, para së gjithash nevojitet ndryshim mentaliteti për të mos hedhur mbetjet kudo.
Ministrja e Turizmit dhe e Mjedisit Mirela Kumbaro u shpreh se kjo iniciativë është në vazhdimin e një plani të pastrimit kombëtar që ka nisur si përgatitje një muaj më parë.
“Nëse jemi këtu në mandatin e tretë jemi sepse kemi marrë përsipër edhe kusuret e 30 viteve, edhe detyrat e sotme, por sidomos kemi marrë përsipër të ardhmen e fëmijëve tanë. Dhe në ka një gjë që patjetër duhet ta disiplinojmë, është pastrimi i mbetjeve”, theksoi Kumbaro.
Ky aksion i gjerë pastrimi do të vazhdojë edhe ditët në vijim deri në pastrimin e plotë të zonës.
Qytetarët që jetojnë pranë zonës së njohur si Bregu i Lumit kanë shpëtuar tashmë prej përmbytjeve që pësonin thuajse pas çdo shiu. Ndërhyrja e Bashkisë së Tiranës për rehabilitimin e gjithë kësaj zone me ndërtimin e skarpateve dhe pritave në gjithë gjatësinë e Lumit të Tiranës ka eliminuar përmbytjet.
Komente
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
Mbani no nje maske se pandemi hesapi.
PërgjigjuE gjithe Tirana eshte kthyer ne nje kazan te madh plehrash, pavaresisht se paguhen taksat. Ky mbeti duke bere llogje dhe moral pa pike vlere.
Përgjigjupolicet bashkiake paguhen duke vene gjoba ne xhamat e makinave duke i marre fshtareve dy qese me perime por te lirojne trotaret nga shitesit e dyqneve fruta perime qe kane bllokuar trotuaret dhe qytearet mezi kalojne nuk merren se kane konflikt interesi me dyqanxhijte
Përgjigjumerru me shume me zonen Don Bosko, me pastrimin e saj. E fillove mire me paralajmerim per prishje kontrates se pastrimit te kompanise "Fusha", por pastaj heshtje.... ka paguar Fusha SHPK per kete heshtje....???. Plehrat neper kazane vazhdojne te rrine me dite pa pastruar, kosha te vegjel neper gjithe rrugen don bosko, mungojne plotesisht.Sigurisht llogaria bankare e firmes vazhdon te mbushet si dhe llogaria e zyrtareve te korruptuar te Bashkise. VEPRO LALI ERI
PërgjigjuVendos kosha plehrash në çdo rrugë ,pa seleksionime..mos lejo Lokale e dyqane t'i heqin..Liro trotuaret, pastroje Tiranën
Përgjigju