POP 5

Lajmet më të lexuara të 5 minutave të fundit

Kultura

Aktivitet kulturore/ ‘Letra dashurie’, dorëshkrimet origjinale të Dritëro Agollit dhe Sadijes tek ‘Shtëpia Studio Agolli’, teatri ‘Midis nesh’ tek Eksperimentali

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

‘Letra dashurie’ Dorëshkrime origjinale të Dritëro Agollit dhe Sadijes ekspozohen te “Shtëpia Studio Agolli” në Tiranë këtë të martë, më 4 shkurt në orën 17:30.

Teatri “Midis nesh” do të shfaqet në Teatrin Eksperimental “Kujtim Spahivogli” në Tiranë më 4 shkurt në orën 19:00. Pjesa është një dramë origjinale që sjell në qendër një marrëdhënie komplekse mes një nëne dhe një vajze, duke u fokusuar në mënyrën se si shoqëria ndikon dhe përcakton dinamikën e kësaj marrëdhënieje.

Filmi “I, Daniel Blake” do të shfaqet te “Tek Bunkeri” në Tiranë mbrëmjen e kësaj të marte, më 4 shkurt, në orën 19:00.

“I, Daniel Blake”, një film tronditës nga Ken Loach, sjell historinë e një njeriu të zakonshëm që përballet me padrejtësinë e një sistemi burokratik që i mohon dinjitetin dhe të drejtat themelore. Nëpërmjet betejës së tij personale, shfaqet një pasqyrë e ashpër e mënyrës se si pushteti mund të shtypë individin.

Ekspozita “Dielli gjithashtu perëndon” (The Sun Also Sets) nga Anila Rubiku vijon të qëndrojë e çelur në galerinë “Zeta” në Tiranë. Nëpërmjet dy serive të veprave, Rubiku eksploron lidhjen mes Shqipërisë dhe Italisë: një reflektim mbi tokën ku lindi dhe vendin ku jeton prej dekadash.

Ekspozita “Dorëshkrime të panjohura dhe letërkëmbime të Kadaresë” vijon të qëndrojë e çelur te “Shtëpia Studio Kadare” në Tiranë.

Një aktivitet përkujtimor në nder të figurës së Maks Velos do të mbahet në mjediset e Muzeut Kombëtar të Përgjimeve "Shtëpia me Gjethe" ditën e martë, më 4 shkurt në orën 11:00. Organizuar nga Qendra Kombëtare e Librit dhe Leximit në bashkëpunim me Bibliotekën Kombëtare dhe Muzeun me Gjethe, gjatë aktivitetit, viti 2025 do të shpallet zyrtarisht si “Viti Maks Velo”.

Këtë të martë, më 4 shkurt në orën 12.30, në Bibliotekën Kombëtare, salla "Sotir Kolea" do të prezantohet romani “Arkitektja” e Melania G. Mazzuços. E pranishme do të jetë edhe vetë autorja.

S.B/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Shkurt, 09:13

    Si e vlerësoni kushtin e PD që diaspora të votojë me dokumente të huaja?

Lajme të tjera



×

Lajmi i fundit

Tiranë, punëtori 66 vjeçar rrëzohet nga soleta e banesës katër katëshe, ndërron jetë

Tiranë, punëtori 66 vjeçar rrëzohet nga soleta e banesës katër katëshe, ndërron jetë

8 Shkurt, 13:55