POP 5

Lajmet më të lexuara të 5 minutave të fundit

Kultura

Aktivitete kulturore sot/ Vijon Festivali i Letërsisë Evropiane në Tiranë! 'Së prapthi' shfaqja për fëmijë në teatrin 'Metropol'

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

1 Konkursi “Bravo Bravissimo Shqipëria” për fëmijët nga mosha 6-12 vjeç do të mbahet më 14 dhjetor duke filluar nga ora 9:00 e mëngjesit në Qendrën Kulturore të  Katedrales Othodhokse në Tiranë. Fëmijët do të garojnë në fusha të ndryshme, si kënga, kërcimi, si instrumentistë, akrobatë, gjimnastë, moderatorë, interpretues, aktorë etj.

2 “Tekno-Broni” është libri për fëmijë me autore Valbona Banka, që do të promovohet në librari “Valentini” në Tiranë më 14 dhjetor, në orën 11:00.

3  “Së prapthi” është shfaqja për fëmijë që do të vijë në teatrin “Metropol” në Tiranë më 14 dhe 15 dhjetor në orën 11:00.

4 Klinika në breg të detit” është shfaqja që do të vijë në skenën e Teatrit “Bylis” në Fier më 13 dhe 14 dhjetor në orën 18:00.

5 Festivali i Letërsisë Evropiane në Tiranë vijon këtë të premte në qendrën “Sotir Kolea” të Bibliotekës Kombëtare në orën 17:15 me bashkëbisedim dhe lexime me autoren Margo Rejmer nga Polonia dhe në orën 18:30 në bashkëbisedim dhe lexime me autoren franceze Dominique Barberis. Ndërsa të shtunën më 14 dhjetor, aktivitetet do të mbahen në Qendrën e Artit “Agimi”.

Në orën 16:00 do të ketë bashkëbisedim me autorin kroat Miro Gavran dhe një performancë nga Luiza Xhuvani dhe Ilda Bejleri. Në orën 17:15 do të ketë bashkëbisedim dhe lexime me autorin italian Paolo Giordano, ndërsa në orën 19:00 koncert nga “Musica Nova” organizuar nga Instituti Italian i Kulturës.

6 Një eksperiencë unike muzikore me një seri DJ set B2B, ritme që ndërthuren mes artit, muzikës dhe atmosferës së një feste të madhe jashtë qytetit do të mbahet mbrëmjen e 14 dhjetorit në Kooperativën e Artit në Vaqarr në orën 22:00.

7  “Pasazhe” nga Klea Ruçi është ekspozita që do të çelet më 14 dhjetor në orën 19:00 në “Hotspot” në Tiranë.

8  “50…pa pak” është shfaqja stand-up komedi nga Edi Oga në Pallatin e Kulturës “Dede Ndue Lazri” në Lezhë më 14 dhjetor në orën 18:00.

9 “Micro-Folie dhe prindërit” është aktiviteti festiv që do të mbahet mbasditen e 14 dhjetorit në orën 17:00 në mjediset e Micro-Folie te Piramida.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

SHBA sanksionojnë individë dhe kompani që mbështesin Milorad Dodikun

SHBA sanksionojnë individë dhe kompani që mbështesin Milorad Dodikun

18 Dhjetor, 17:29