POP 5

Lajmet më të lexuara të 5 minutave të fundit

Kultura

Aktivitetet kulturore/ ‘C’era Una Volta’ ekspozitë me piktura abstrakte në Korçë! Ministria hap thirrjen për grante për ngjarje kulturore e krijuese

Art, kulturë dhe spektakël. “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

“C’era Una Volta” titullohet ekspozita me piktura abstrakte e autorit Vladimir Váchal, që do të çelet në rrugicën “Jovan Spiro Kosturi” në Korçë më 4 janar në orën 17:00. Një udhëtar, përkthyes i gjuhës perse dhe artist i veçantë, veprat e Váchal që reflektojnë pasionin e tij që prej vitit 2005.

Ekspozita “Lear’ 2024” vijon të qëndrojë e çelur prej disa ditësh në Qendrën Kulturore “Margarita Tutulani” në Berat.  Ekspozita bën bashkë artistë nga Berati, Tirana, Elbasani, Durrësi dhe Vlora dhe përmbledh 73 punime të zhanreve dhe teknikave të ndryshme. Ajo do të qëndrojë e hapur deri në 11 janar.

Është hapur këtë fillimviti thirrja për Grante “Ngjarje Kulturore dhe Krijuese 2025: Festivale, Evente dhe Panaire që pasurojnë Kalendarin Kulturor” nga Ministria e Ekonomisë, Kulturës dhe Inovacionit. Projektet synojnë: fuqizimin e rolit të skenës së pavarur, rritjen e cilësisë së krijimtarisë artistike, promovimin dhe mbështetjen e talenteve të reja, rrjetëzimin e produktit kulturor shqiptar në tregun e industrisë kreative. Afati për dorëzimin e projekteve është data 7 shkurt 2025, ora 14:00.

Ekspozita imersive “Rilindja Italiane” vijon të qëndrojë e çelur te “Galeria e Arteve Digjitale” në Korçë. Ekspozita, e cila do të qëndrojë e hapur deri më 20 mars, ju vendos mes kryeveprave të Da Vincit, Michelangelos, Botticellit etj, duke ju bërë pjesë të një spektakli që nuk i përket vetëm syrit, por edhe shpirtit.   

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Korçë/ 1.5 metër borë në Mashkullorë, kalimi i mjeteve vetëm me zinxhirë! Mjetet borëpastruese në terren

Korçë/ 1.5 metër borë në Mashkullorë, kalimi i mjeteve vetëm me zinxhirë! Mjetet borëpastruese në terren

5 Janar, 11:29 nga Armand Braho