POP 5

Lajmet më të lexuara të 5 minutave të fundit

Kultura

Aktivitetet kulturore sot/ 'Mundësi pa kufi' koncerti te Katedralja Orthodhokse! Prezantohet 'Montagne d’Albania', guida e maleve e Piero Ghiglione

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

1 “Mundësi pa kufi” titullohet koncerti që do të mbahet më 11 dhjetor në orën 19:00 në Katedralen Orthodhokse “Ngjallja e Krishtit” në Tiranë. Motrat Alda dhe Blerina Shalari do të interpretojnë krijimet e tyre muzikore, ndërsa aktori Dritan Boriçi do të interpretojë Homerin në melodramën “Homeriada”.

2 Ata që duan poezinë mund të ndjekin një aktivitet kushtuar asaj në 11 dhjetor në orën 16:30 në Shtëpinë e Miqve të Artit-“Zonja Gjenë” në Berat,

3  “Montagne d’Albania” nga Piero Ghiglione është libri që prezantohet nga Instituti Italian i Kulturës në Universitetin “Zonja e Këshillit të Mirë” më 11 dhjetor në orën 15:30 - 17:00. Libri është një guidë alpinistike e Shqipërisë së viteve ‘40, botuar nga Distaptur në Tiranë në vitin 1941. Libri mund të konsiderohet eseja e parë shkencore mbi sistemin malor shqiptar.

4 Universiteti i Arteve organizon më datë 11 dhjetor, duke filluar nga ora 9:00, një ditë të hapur dedikuar artit, krijimtarisë dhe ëndrrave për një të ardhme artistike. Për të gjithë ata që kanë interes për të studiuar në këtë institucion, kjo është mundësia ideale për të njohur nga afër botën e artit dhe për të përjetuar atmosferën frymëzuese të punës me studentët dhe pedagogët e Universitetit të Arteve.

5 “Unidentified False Objects – UFO” nga Ardian Isufi titullohet ekspozita konceptuale që do të çelet më 10 dhjetor në orën 18:00 në Galerinë e Artit Bashkëkohor të Tiranës te Piramida. Ekspozita do të sjellë një kombinim të mediumeve si video, instalacion e ndërhyrje në hapësirë.

6 “Qyteti i shpalosur: arti si faktor shndërrimesh”, konferenca e parë shkencore ndërkombëtare në Shqipëri mbi artin në hapësirën publike dhe transformimin e qytetit do të mbahet më 11-12 dhjetor 2024 në mjediset e Akademisë së Shkencave të Shqipërisë.

S.G/G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46