AKU etiketa për sigurinë ushqimore
Panariti: Do vijojë në gjithë vendin

Autoritei Kombetar i Ushqimit, në kuadër të masave për garantimin e sigurisë ushqimore, veçanërisht gjatë sezonit turistik, nis vendosjen e etiketave (stickerave) në ambientet e shërbimit, si restorante, bar-kafe, fast-food, pastiçeri etj. 

Kjo nismë filloi sot në Durrës dhe do të vazhdojë në gjithë vendin. Në këtë aktivitet morën pjesë Mininistri i Bujqësisë, Edmond Panariti dhe Drejtori i Përgjithshëm i AKU, Isuf Shehu.

Mininistri i Bujqësisë, Edmond Panariti ka thënë se kjo nismë do të vazhdojë në të gjithë vendin. 

"Kjo do të vazhdojë në të gjithë vendin. Ne s'do të bëjmë kompromis me sigurinë ushqimore. Ky mesazh është dhënë i qartë për gjithë rrjetin e kateringut e bar-restoranteve. Kemi hedhur një hap të rëndësishëm për gjithë rrjetin e ofertës së kateringut e restoranteve dhe çdokujt tjetër që ka lidhje me sigurinë ushqimore. Falenderoj AKU dhe Drejtorin Isuf Shehu, për këtë iniciativë dhe që vetë drejtori i AKU është në krye të kësaj pune", u shpreh Panariti. 

Ndërsa Drejtori i Përgjithshëm i AKU, Isuf Shehu, në lidhje me këtë nismë tha se kjo certefikatë prodhon një garanci për konsumatorin . 

"Kjo certifikatë prodhon një garanci për konsumatorin, pasi çdo restorant apo subjekt që e mban, do të thotë që është i kontrolluar në mënyrë rigoroze. Po ashtu, kjo certifikatë është edhe një përgjegjësi më e madhe për inspektorët, të cilët nuk mund të neglizhojnë asgjë gjatë kontrollit të tyre", u shpreh Shehu. 

Çdo subjekt që do të përmbaje logon e sigurisë, pullën e inspektimit, e cila detyrimisht do të ngjitet në vende të dukshme, është i kontrolluar nga AKU dhe plotëson kushtet, sipas legjislacionit shqiptar, për garantimin e sigurisë ushqimore. 

Gjithashtu AKU ka hartuar një plan të veçantë masash për sigurinë ushqimore, për sezonin turistik.

Redaksia Online
(M.Ç/shhqiptarja.com)