POP 5

Lajmet më të lexuara të 5 minutave të fundit

AKU kontrolle në bizneset afër shkollave në Lezhë, 18 marrin paralajmërim! Fëmijët: E marrim bukën me vete

Kur ka vetëm 3 ditë që kanë nisur shkollat, 18 biznese pranë tyre janë vënë në monitorim nga Autoriteti Kombëtar i Ushqimit, për shkak se janë gjetur me shkelje. AKU ka zbritur në terren ku ka ushtruar kontrolle në Fast Food-e apo biznese të tjera, në të cilat janë gjetur problematika me dokumentacionin apo sistemimin e materialeve ushqimore.

LEZHË- Kur ka vetëm 3 ditë që kanë nisur shkollat, 18 biznese pranë tyre në qytetin e Lezhës janë vënë në monitorim nga Autoriteti Kombëtar i Ushqimit, për shkak se janë gjetur me shkelje. AKU ka zbritur në terren ku ka ushtruar kontrolle në Fast Food-e apo biznese të tjera, në të cilat janë gjetur problematika me dokumentacionin apo sistemimin e materialeve ushqimore.

Në fokus kanë qenë edhe kuzhinat e çerdheve dhe kopshteve, ku dhe janë marrë mostrat e ushqimeve dhe janë dërguar për analiza.

“Ne kemi një vëmendje të shtuar ndaj bizneseve afër shkollave dhe kuzhinat në çerdhe e në kopshte , kemi dhënë masa paralajmëruese, për mungesë dokumentacioni, të sistemit të produkteve ushqimore dhe situata paraqitet normale, gjatë kësaj periudhe, ne marrim edhe disa mostra për analizim, ato kanë një afat por kjo nuk do të thotë që nuk do jemi vigjilent”, u shpreh Besmir Frroku, Drejtor i AKU-së në Lezhë.

Report Tv ka pyetur disa prej fëmijëve në shkolla, por edhe prindër të cilët janë shprehur se për shkak të pasigurisë, por edhe çmimeve të rritura marrin bukë me vete.

“E marr me vete bukën, se është më e shëndetshme”, tha një fëmijë.

“E marr me vete se çmimet janë katastrofë, kam punuar në furrë buke dhe plan i parë është të marrin bukë me vete”, tregon një prind.

Mirëpo, ka edhe të tjerë fëmijë që tregojnë se zgjedhin që në pushimin e drekës të hanë hamburger.

“E blej, hamburger, janë të shëndetshme”, tregon një tjetër.

Inspektimet kanë nisur që prej fillimit të shtatorit dhe do të vijojnë në bizneset që kanë një risk të madh.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze