Dy vjet më parë kreu i PDIU Shpëtim Idrizi rrëfeu fragmented he ngjarje nga séance dramatike e 11 viteve më parë kur u votua raporti i Dick Marty. Më poshtë një raport mbi rrëfimin e Shpëtim Idrizit, të publikuar në vitin 2020.
Një komunitet, popull, komb apo vend që nuk e prek thelbin apo diskuton ҫështjet në kohën e duhur, atëherë edhe treni i kohës i ikën gjithmonë. Kështu ka ndodhur shpesh dhe me ne.
Ja për shembull ҫështja e akuzave ndaj Hashim Thaҫit është ende me sulm të diskutimeve e fjalimeve frenetike, kur të gjitha këto mund të bëheshin pikërisht 11 vjet më parë, kur shpërthyen akuzat nga ana e Dick Marty dhe u miratua rezoluta në Këshillin e Europës.
Shpëtim Idrizi, i cili ka qenë dëshmitar i seancave dramatike të janarit 2011, kohë kur mazhoranca në Shqipëri ishte e trazuar nga publikimi i videos Meta-Prifti e kishte shpërthyer kriza në qeverinë e Sali Berisha.
Idrizi, një prej 8 deputetët që kanë votuar kundër rezolutës, që mori karton të kuq vetëm nga dy parlamentarë nga Shqipëria, tregon për një intervistë të dy viteve më parë se ka pasur një përplasje deri edhe verbale me Dick Marty-n.
“Nuk di ta them se ҫ’ndodhi në delegacionin tonë dhe si pati që edhe votuan pro rezolutës, por mbaj mend se jam përplasur me Dick Martyn disa herë, edhe në komisionin e linjës në Asamble, por edhe në sallën e seancave plenare. Ai na tha në mbledhje se akuzat e tij mbështeteshin në një raport të një prokurori serb dhe disa reportazhe, apo edhe libri i Karla del Pontes.
Unë ju përgjigja e i thashë se si mund të mbështetet një akuzë në librin e një prokuroreje, e cila kur ishte në Hagë nuk pati sukses në gjetjen e provave dhe ata fantazi i shkroi në libër. Pastaj nisa ti flas për absurditetet krejt të trasha të materialit, duke i shpjeguar vendndodhjet gjeografike të postacioneve ku raporti kishte vendosur ‘trafikun e organeve’.
Pas kësaj pati ilaritet nga anëtarët që raporti nuk kishte asnjë gjë konkrete, por thjesht ishte një iniciativë politike. Ndaj aty edhe ju ndryshua titulli i dokumentit në “raport mbi dyshimet”, thotë Idrizi nëpërmjet telefonit për gazeta “Shqip”, duke sjellë momente nga atmosfera e 8 vjetëve.
I pyetur se cila ka qenë kërkesa apo orientimi i mazhorancës shqiptare, përkatësisht kryeministrit të asaj kohe Sali Berisha, i cili qeveriste me LSI-në, Idrizi thotë se nuk ka pasur ndonjë orientim të caktuar.
“Me thënë të drejtën pak u interesova për këtë ҫështjen sa u mora me thelbin dhe kam qenë mjaft aktiv, kam folur në seancë, jam përplasur me Martyn, kam marrë delegacionin e Kosovës se nuk e linin të hynte brenda dhe kemi mbajtur një konferencë për shtyp, sa nuk kam pasur as kohë të merrem me teknikalitete”, tregon kreu i PDIU-së.
Ndërkaq, në linqet e mediave kosovare të asaj kohe gjendet edhe fjalimi i Idrizit në Asamble, ku ai akuzon Rusinë si autoren e të gjithë kësaj maskarade me Kosovën.
“Ky raport është plot të pavërteta dhe në të shihet se kriminelët janë bërë baraz me viktimat. Millosheviçi i ka përdorur këto fabrika për të fabrikuar këto të pavërteta dhe për të barazuar kriminelët me viktimat. Prej vitit 1999 Kosova është shteti më i monitoruar nga UNMIK dhe EULEX dhe nëse këto krime janë bërë duhet të ishin zbuluar. Të bëhen hetimet dhe të bëhen provat publike”, deklaroi Idrizi
Komente
Lajme të tjera
-
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Ylli Pata: Nga sheshet plot, te bllokimi i rrugëve, diferenca e opozitës serbe me atë të Berishës
23 Dhjetor, 17:35
-
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Ylli Pata: Arsyet pse SHBA i rikujtoi Sali Berishës sanksionet
18 Dhjetor, 18:58
-
Ylli Pata: Shkaku real i bllokimit të primareve dhe zgjedhjeve brenda PD
15 Dhjetor, 22:55
-
Ylli Pata: Pse Sali Berisha po baltos Altin Dumanin?
13 Dhjetor, 21:52
-
Ylli Pata: Kush e ka themeluar Partinë Demokratike?
12 Dhjetor, 19:59
-
Ylli Pata: Aleatët shqiptarë të Bashar al Assadit
11 Dhjetor, 22:25
-
Ylli Pata: Pse njerëzit pranë Berishës, kanë filluar një 'fushatë' kundër deputetëve të PD?
9 Dhjetor, 17:26
-
Ylli Pata: Pse Sali Berisha është xhindosur kaq shumë me Lul Bashën?!
6 Dhjetor, 19:04
O Shwiptar shikoni kush ështē partiawc pd me kriminelin Salhe bajga e bëni krahasimin me Gjigandin Edi Rama. Historia flet vet sdo shum llafe e shum reklam. Prandaj o Shqiptare zhdukeni nga politika qenin salhe.
Përgjigju