POP 5

Lajmet më të lexuara të 5 minutave të fundit

Politikë

Akuzat e gjeneralëve
dhe mbi reklamat e Imamit

Pas misterit të shkarkimit të tre gjeneralëve të forcave të armatosura shqiptare, dekretuar pa asnjë motivim nga Presidenti i Republikës Nishani, mund të fshihet një konflikt mes Gjeneralëve dhe Ministrit të Mbrojtjes Arben Imami dhe menaxhimit të bilanceve të ministrisë dhe forcave të armatosura
TIRANE-  Pas misterit të shkarkimit të tre gjeneralëve të forcave të armatosura shqiptare, dekretuar pa asnjë motivim nga Presidenti i Republikës Nishani, mund të fshihet një konflikt mes Gjeneralëve dhe Ministrit të Mbrojtjes Arben Imami dhe menaxhimit të bilanceve të ministrisë dhe forcave të armatosura. Sot në konferencë për shtyp tre gjeneralët, Sandër Lleshi, Abaz Lleshi dhe Dhori Spirollari, bënë disa aluzione për shpërdorim të forcave të armatosura nga ana e ministrit dhe për një deficit të krijuar në buxhetin e ministrisë.

Midis shpenzimeve të pajustifikuara dhe të dyshimta të ministrisë së Mbrojtjes janë me siguri edhe milionat e eurove të fushatës së reklamave që ministri Arben Imami ka përdorur në këto vite për të kompensuar heshtjen  e disa televizioneve mike.

Sipas një denoncimi të bërë në Shtator të vitit të kaluar nga Eduard Shalsi, Ministria e Mbrojtjes kishte shpenzuar për spote publicitare në vitet e fundit  deri në 2012 nga 2 deri në 2.5 milionë dollarë. Vetëm për 100 vjetorin e Repartit Ushtarak nr. 6660 ka paguar spote poblicitare kompaninë Promo në pronësi të Eduard Frangajt, vëllai i pronarit të TV Klan që i ka transmetuar spotet, një vlerë prej 31.070.000 lekë në datë 03.07.2012, e cila është ekuivalente e 227 mijë euro.

Por pavarësisht denoncimit publik të Shalsit, Imami ka vazhduar strategjinë e tij që e ka çuar në konflikt me tre gjeneralët. Dhe kështu në javët e fundit, menjëherë para fillimit të fushatës zgjedhore nis një fushatë tjetër publicitare super e shtrenjtë në disa televizione: disa qindra mijëra euro për të reklamuar çfarë? Praninë e ushtrisë shqiptare në Afganistan, blerjen prej hollandezëve të tre motobarkave dhe çmontimin e armëve. Tre spote shumë të shtrenjta (dhe të panevojshme) të përdorur për të bërë propagandë zgjedhore para fillimit të fushatës së vërtetë. Një shpërdorim i fondeve publike, në kohën kur mungojnë paratë edhe për të paguar në kohë rrogat e punonjësve të administratës publike dhe të vetë ministrisë së Mbrojtjes
  
Më pas Shalsi tregoi me fakte se si duke përdorur repartet ushtarake për të paguar spotet, Imami i ka dhënë kompanisë Promo rreth 2.5 milion dollarë.
“Ushtria që nuk kishte mjetet minimale për të ndihmuar dhe kontribuar për fikjen e zjarreve na paska mijëra e miliona dollarë para për të shpenzuar për reklama. Dhe me e rëndësishmja: si shpjegohet që të gjithë këto mijëra dollarë shkojnë vit pas viti tek një dhe vetëm një agjenci prodhimi Promo shpk e më pas tek një televizion? Dhe rastësisht valle kjo agjenci dhe ky televizion janë brenda të njëjtës familje, dhe praktikisht vëllezër? Kjo është arsyeja se pse Arben Imami i trembet kontrollit parlamentar. Nuk duan që shqiptarët të mësojnë të vërtetën,” tha Shalsi.
 
SHIFRAT E PS
Reparti 6660- 2012- 300 000 dollarë
Reparti 4300- 2007- 235 000 dollarë
2008- 115 000 dollarë
2009- 385 000 dollarë
2010- 30 000 dollarë
2011- 700 000 dollarë
2012- 700 000 dollarë
fatura e ministrise se mbrotjjes
(Foto: Faksimile e shpenzimeve per reklamat )
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59