Por Bashkia Puka në një reagim shpërndarë për mediat këtë të shtunë mohon akuzat e PD duke i cilësuar si deklarata politike me qëllime elektorale.
Sipas Bashkisë Pukë Gjon Gjonaj nuk ka e dhunuar Demir Hysenin, pasi nuk ka pasur asnjë kontakt më të.
Më tej në deklaratë thuhet se operacioni për lirimin e hapësirave publike që po shtrihet në të gjithë qytetin e Pukës po drejtohet në terren nga nënkryetari i bashkisë, Astrit Kuçi.
“Bashkia Pukë dhe as kreu i saj, z. Gjon Gjonaj nuk ka dhunuar z.Demir Hyseni, pasi nuk ka pasur asnjë kontakt më të. Operacioni për lirimin e hapësirave publike po drejtohet në terren nga nënkryetari i bashkisë, z. Astrit Kuçi.
Bashkia është detyruar të ndërmarr këtë operacion përmes Policisë bashkiake, pasi kishte njoftuar disa herë pronarin e subjektit privat, z. Demir Hyseni për lirim të hapësirave publike.
Aksioni për lirimin e hapësirave publike dhe kthimin e tyre në shërbim të qytetarëve po shtrihet në të gjithë qytetin e Pukës. Pretendimet e justifikimet për goditje politike janë veçse shpifje që kanë për qëllim të pengojnë Bashkinë Pukë.
Nëse dikush kërkon të përfitoj politikisht, duke u nisur nga fushata elektorale dhe nën petkun e pozicionimeve politike, ne nuk kemi kohë që të lemë qytetin peng të individëve të caktuar që e konsiderojnë veten të paprekshëm për shkak të Politikës.
Në Pukë përpara ligjit do të jemi të gjithë të barabartë, ndaj duke hedhur poshtë shpifjet e Partisë Demokratike i bëjmë apel të gjithë subjekteve që janë njoftuar për lirimin e hapësirave publike, të veprojnë menjëherë, pasi Policia bashkiake do të ndërhyjë për lirimin e hapësirave përpara lokaleve.
Puka nuk mund të jetë më peng i individëve të caktuar që pasi e kane vjelur mirë, tani kërkojnë dhe uzurpimin e hapësirave në shërbim të qytetarëve”, thuhet në deklaratë.
Redaksia Online
Al.N/Shqiptarja.com