Tiranë- Këshilltari i kryeministrit Rama, Endri Fuga ka reaguar pas akuzave të Partisë Demokratike se Rama i kishte dhënë kompanisë së Agron Papulit, që e cilësoi si mik të kryeministrit,1,8 milionë euro nga dhënia me qira e makinave për policinë, por edhe baxhanakut të tij.

Fuga i quan budallallëk akuzat, ndërsa shton se fokusi i qeverisë mbeten reformat dhe puna për t’ju shërbyer qytetarëve.

“Dje njeri, sot tjetri. Pergojojne njerez e hedhin ne eter shifra shumemilioneshe, duke e bere te kote qe t'u pergjigjesh per cdo budallallek! KM dhe qeveria jane te vendosur te cojne perpara reformat dhe te fokusojne TE GJITHE VEMENDJEN TEK NJEREZIT e tek puna ne sherbim te tyre”

Drejtori i Komunikimit në Kryeministri, Endri Fuga 

Statusi i Endri Fugës në Twitter

 

Një ditë më parë PD akuzoi kryeministrin se i kishte dhënë baxhanakut të tij Armand Frangu, 41 tendera me vlerë 15.6 milion euro. Ndërsa sot deputeti Flamur Noka shtoi akuzat. Duke u  bazuar në dokumente zyrtare, Noka tha se Rama i ka dhënë miliona euro nga buxheti i shtetit, Agron Papulit.

"'Kompanisë së mikut të Ramës, Agron Papuli, siç provohet edhe në dokumentet zyrtare nga Agjencia e Prokurimit Publik në muajin korrik të këtij viti i është dhënë tenderi e rradhës. Bëhet fjalë për një tender me objekt “qira operacionale automjetesh nga Policia e Shtetit, 1.8 milion euro. Marrja me qera e makinave është korrupsion i pastër për të pasuruar financuesin e Edi Ramës, kjo sepse harxhohen miliona euro për makina me qera dhe makinat nuk i mbeten policisë, por i rikthehen përsëri mikut të Ramës. Kostoja e marrjes me qera të makinave është më e madhe sesa blerja e tyre. Favorizimi me tendera muk ndalet vetem me makinat e policisë. Në dy vitet e fundit, nga kompania shtetërore OSHEE, kompanitë e preferuara të Ramës, në pronësi të Agron Papulit kanë përfituar 6 tendera, me vlerë 4.3 milion euro"

Deputeti i PD-së, Flamur Noka