Akuzat e PD për vëllanë, Xhafaj takim 60' me Ramën në Kryeministri

TIRANE-Ministri i Brendshëm Fatmir Xhafaj zhvilloi një takim me Edi Ramën në Kryeministri për rreth 60 minuta pas zhvillimeve të fundit. Takimi nisi rreth orës 13:45 minuta dhe përfundoi një orë më pas, ndërsa i pranishëm për disa minuta ishte edhe kryetari i grupit të PS, Taulant Balla i cili më pas është larguar nga Kryeministria.

Pas përfundimit të takimit Xhafaj u drejtua për në zyrën e tij në Ministrinë e Brendshme, para së cilës opozita zhvilloi një protestë sot për rreth dy orë duke kërkuar dorëheqjen e tij.

Kryeministri Edi Rama deklaroi sot në mbledhjen e grupit parlamentar të PS se materiali audio i publikuar nga Partia Demokratike për Agron Xhafajn, nuk është asnjë provë kompromentuese për vëllain e tij, ministrin e Brendshëm Fatmir Xhafaj.

Rama e bazoi deklaratën e tij te një ekspertizë ndërkombëtare që sipas tij kishte dalë në konkluzionin se materiali i opozitës ishte montuar dhe jo autentik. Reagimi i kreut të qeverisë vjen pas sulmeve të PD dhe LSI ditët e fundit, të cilët kërkojnë dorëheqjen e Xhafajt pas akuzave për të vëllanë e tij se është dënuar në Itali me 7.2 vite burg për trafik droge.

Ndërkohë që sot, vëllai i ministrit të Brendshëm Fatmir Xhafaj, Agron Xhafaj, nëpërmjet një letre me të cilën i është drejtuar opinionit publik, ka bërë të ditur se do t’i vetëdorëzohet sot autoriteteve italiane të drejtësisë, për të vuajtur një dënim penal të dhënë ndaj tij në shtetin fqinj.


Xhafaj duke dalë nga kryeministria pas takimit me Ramën


Me rreth te kuq makina e Xhafajt ne Kryeministri

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit