POP 5

Lajmet më të lexuara të 5 minutave të fundit

Kronikë

Akuzat e Tahirit për gjykatësit
Naço: Kemi nisur hetimet

Ministri i Drejtësisë Nasip Naço konfirmon se ka nisur hetim pas denoncimeve të Ministrit Tahiri për gjykatësit që kanë liruar nga burgu persona të rrezikshëm. Disa ditë më parë, Tahiri i kërkoi Presidentit Nishani të inspektojë  vendimet e dhëna nga gjykatësi i Kavajës Osman Aliu dhe vendimet e Apelit për Gjin Nikën. (Në foto: Ministri Naço sot, gjatë konferencës)
TIRANE- Ministri Drejtësisë Nasip Naço deklaron se ankesat e ministrit të Brendshëm Sajmir Tahiri për vendimet e gjykatave shqiptare, janë të drejta pasi janë liruar persona me precedent penale nga gjykatat dhe konfirmon se tashmë kanë nisur hetimet. Disa ditë më parë, ministri i Brendshën Saimir Tahiri i dërgoi një letër presidentit Bujar Nishani, në cilësinë e kreut të KLD, të inspektojë për vendimet e dhëna nga gjykatësi i Kavajës, Osman Aliu, dhe vendimet e Apelit për Gjin Nikën.
 
“Inkurajoj ministrin Tahiri për rastet e evidentuar dhe për këtë kemi nisur inspektim. Presim raportin përfundimtar për vendimet e gjykatës, por theksoj se jemi të vendosur për të luftuar padrejtësinë. Edhe për rastin e Gjin Nikës ka nisur një inspektim. Më është konfirmuar nga KLD që ka nisur inspektimi. Dua të them se vonesat në seancat gjyqësore janë të patolerueshme. KLD të reagojë, gjyqësori duhet t’i përgjigjet qytetarëve. Pas raportit, do të shikohet ku ka shkelje dhe do procedohet”, tha ministri Naço.

Pak ditë më parë ministri i Brendshëm Sajmir Tahiri kërkoi nga ministri Naço të nisë verifikimet për vendimet e gjykatësit të Kavajës Osman Aliu dhe vendimin e Gjykatës së Apelit, ku kjo gjykata liroi të dyshuarin si vrasës me pagesë Gjin Nikën, ku pak ditë pas lirisë, Nika u ekzekutua në një atentat mafioz.
 
Këto qëndrime Naço i mbajti në konferencën me temë vonesat në sistemin e drejtësisë ku deklaroi se aktualisht sistemi i drejtësisë lë për të dëshiruar dhe kërkohen një reformim, i cili duhet të filloj nga orari i punës. Pasi sipas Naços gjyqtarët nuk respektojnë oraret zyrtare. Me ndihmën e USAID dhe OSBE- në takimin e zhvilluar në ministrin e Drejtësisë u anonçuan dhe rezultatet e një projekti pilot realizuar në Gjykatën e Krujës ku ka rezultuar se 47 % e proceseve gjyqësore në këtë gjykatë janë jo produktive.
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Frrok Çupi: Pse Sali Berisha u vjen rrotull burgjeve?

Frrok Çupi: Pse Sali Berisha u vjen rrotull burgjeve?

11 Janar, 15:42 nga Frrok Çupi