TIRANË- Krishtlindjet dhe Vitin e Ri, ish- presidenti Hashim Thaçi duket se do t'i festojë në dhomën e paraburgimit në Hagë. Kjo sepse atij i është kundërshtuat nga Prokuroria kërkesa për t'u gjykuar në liri. Një fakt i tillë u bë i ditur nga Zyra e Prokurorisë në Hagë, gjatë seancës së sotme të zhvilluar në Hagë. Të njëjtin vendim, organi i akuzës deklaroi se do të merret edhe për kërkesën e njëjtë që ka bërë edhe ekipi i Jakup Krasniqit dhe Rexhep Selimit, ndërsa ish-kryeparlamentari Kadri Veseli nuk e ka bërë ende një gjë të tillë, e për rrjedhojë nuk ka një vendim.
Mbrojtja e ish-drejtuesve të Ushtrisë Çlirimtare të Kosovës, në Hagë, ka kërkuar edhe një herë që gjykimi kundër Hashim Thaçit, Kadri Veselit, Jakup Krasniqit dhe Rexhep Selimit, të fillojë pas 18 muajsh, përkatësisht në verë të vitit 2022. Prokuroria tha se në muajin korrik mund të përfundojnë hetimet dhe në muajin shtator të vitit 2021 të nisë procesi gjyqësor. Një gjë e tillë është konsideruar absurde nga të gjithë avokatët mbrojtës, madje në një moment avokati i ish- presidentit Hashim Thaçi, David Hooper ironizoi duke thënë se tha se 'iu desh të pickonte veten që të kuptonte se ajo që kërkonte prokuroria ishte e vërtetë'.
Kritika ka pasur edhe për rreth 3000 dokumentet që u janë dorëzuar avokatëve mbrojtës nga ana e organit të akuzës. Ka qenë mbrojtja e ish- presidentit Thaçi, David Hopper, i cili tha se në dokumente janë akuza shumë të përgjithshme. Ai është ndalur më konkretisht duke thënë se në dokument shkruhet "ish- drejtuesit e UÇK-së akuzohen për krime". Një gjë e tillë për avokatin nuk është aspak një ndihmë për mbrojtjen pasi nuk specifikohet, kush nga të akuzuarit, a bëhet fjalë për krime lufte apo për krime kundër njerëzit.
Më i ashpër në reagimin e tij ka qenë avokati i ish-kryeparlamentarit, Kadri Veseli. "Prokuroria duhet ta ndalë gijotinën", tha Ben Emmerson i cili deklaroi se kërkesa e Prokurorisë është qesharake, pasi sipas tij për çështje të tilla duhen të paktën 3 vjet.
Mbrojtja kërkon minimumi 18 muaj kohë, ndryshe nga sa pretendon prokuroria për 2-3 muaj. Avokati i ish- presidentit Hashim Thaçi, David Hopper tha se kur ka dëgjuar prokurorinë që tha se dosjen e plotë gjyqësore do e publikonin 2-3 muaj para, nuk u besonte veshëve.
"Afati 18 mujor është minimumi që ne parashikojmë për të filluar për të shikuar nëse do kemi ekipin për t’u përgatitur për procesin gjyqësor që mund të fillonte në verën e vitit 2022. Tek dëgjoj z. Tiger më duhej ta pickoja veten nëse isha në ëndërr apo jo. Vërtet po thotë se mund të bëhet kështu ky gjyq! Kjo është e pakonceptueshme! Sigurisht unë e mbaj mendjen e hapur, por dua që t’ju them se këto fjalë të prokurorisë janë zhgënjyese. Do të duhen të paktën 18 muaj që të hetojmë këtë çështje. Ky është realiteti. Z. gjykatës e ka thënë që s’mund ta caktojë sot datën e çështjen", tha avokati i Thaçit.
Ben Emmerson, avokati i ish-kryetarit të Kuvendit të Kosovës, Kadri Veseli, ka kërkuar Prokuroria të pushojë së paraqituri prova kur të do, ndërkohë që e ka quajtur “gijotinë” kërkesën e saj që gjykimi të fillojë në shtator. Emmerson ka kundërshtuar idenë e avokatit të Prokurorisë, Allan Tiger, që të dorëzojë dosjen e saj në gjykatë në qershor ose korrik, me kushtin që gjykimi të nisë në shtator.
“Kjo nuk është vetëm qesharake, por edhe absurde. Duhet të ndalet kjo gijotinë e Prokurorisë. Ajo që Tiger sapo tha, është shqetësim mjaftë i rëndë. Habitem se si prokuroria i jap këto përgjigje. Është një parashtrim shokues, ka vetëm një arsye, që të kufizojë mundësinë e mbrojtjes për përgatitje, në qoftë se rregullat thonë që për një gjykim mbrojtja duhet të ketë pak kohë për përgatitje është në rregull, por nuk e thonë. Afati përcaktohet nga kompleksiteti i rastit”, ka thënë Emmerson.
Ai ka paralajmëruar që bashkëngjitur me kërkesën për lirim të klientit të tij, Veselit, do të dorëzojë edhe prova që dëshmojnë se përgatitjet për mbrojtje në raste të tilla kanë marrë deri në 3 vjet e gjysmë. Ka përmendur edhe gjykimin e Ramush Haradinajt në Hagë.
“Është qesharake, është përpjekje e prokurorisë për të pasur një gjykim të padrejtë”, shtoi avokati i Veselit.
Avokati i Presidentit Hashim Thaçi në përgjigje të deklaratës së Prokurorisë së u janë dorëzuar rreth 3000 dokumente, janë të pamjaftueshme.
"Janë të pamjaftueshme dhe të papërshtatshme. Nuk ka tregues për informacionin që jepet aty, për personin që shikon. Kur thotë për krimet bazë, a është e përshtatshme, çfarë lidhjesh, çfarë sjelljesh. Janë bërë punë në përgjithësi, dhe jo të specifikuara që e kemi ngritur si mbrojtje, Cili i akuzuar, pse nuk e specifikon është krim lufte apo kundër njerëzimit. Duhet të dimë se ku është gjetur dokumenti dhe kush e ka pasur në dorë atë", tha avokati i Thaçit.
Në seancën e sotme, Prokuroria në Hagë ka bërë me dije se i janë dorëzuar mbrojtjes 1309 materiale shfajësuese!
"Prokuroria i ka dorëzuar mbrojtjes 1309 materiale shfajësuese, përvec kësaj kemi nxjerrë materialet mbështetëse të aktakuzës dhe kemi nxjerrë dhe deklaratat që kemi marrë nga të akuzuar në shqip dhe anglisht. Materialet e nxjerra përfshijë 1764 dokumente. Prokuroria po plotëson afatet e caktuara në përputhje me detyrimin dot, presim që paketën e dytë të materialeve t'ia dorëzojmë mbrojtjes pas pushimit të gjykatës. Paketa e parë u prezantua në 10 dhjetor, por për shkak të problemeve teknike marrësve nuk u është dërguar një njoftim elektronik", tha Prokuroria.
Nis seanca në Gjykatën Speciale për 4 ish- drejtuesit e UÇK-së.
Komente
Lajme të tjera
-
Ish luftëtari i UÇK në Hagë, deklarata të forta për Thaçin: Njeri i rrezikshëm
23 Tetor, 12:27 -
Pacolli viziton Hashim Thaçin dhe ish-krerët e UÇK në Hagë: Ish-presidenti ishte moralisht dhe fizikisht mirë! Shpresojmë dhe besojmë në drejtësi
20 Tetor, 18:19 -
Humbi vëllanë, Gjykata e Hagës nuk i jep leje Jakup Krasniqit për ceremoninë e varrimit! U përcoll sot në Drenas
6 Tetor, 22:09 -
Gjyqi në Hagë, mbrojtja e Thaçit kërkon fonde shtesë! Letra për Albin Kurtin, Konjufcën e ministren e Drejtësisë
22 Gusht, 22:50 -
'Mungesa e financave do shtynte procesin me 6 muaj!' Thaçi po 'braktiset' nga avokatët në Hagë, ekipi i ish-presidentit i kërkon Qeverisë fonde shtesë
22 Gusht, 19:18 -
'Po i shërben Serbisë', 'e keni tradhtu UÇK-në', largimi i avokatit të Veselit nxit kritika ndaj Qeverisë Kurti
22 Gusht, 11:44 -
Avokati Ben Emmerson tërhiqet nga mbrojtja e Kadri Veselit në Gjykatën Speciale
22 Gusht, 07:56 -
Debate të ashpra në gjyqin ndaj Thaçit, ish-majori i KFOR ‘dëshmon’ me interpretime, përplaset me avokaten
20 Gusht, 11:32 -
'Fakte jo reale', në gjykatë, kronistët e luftës së Kosovës mohojnë shkrimet
13 Gusht, 22:24 -
Arrestohen 5 ish-paraushtarakë serbë në Kosovë, akuzohen për krime lufte: Dyshohen se vranë dhe dogjën për së gjalli civilët shqiptarë
3 Gusht, 12:49 -
Trump lirohet nga akuza, Grenell: Radha është te Hashim Thaçi
15 Korrik, 22:17 -
Jakup Krasniqit iu ndalua mbajtja e kravatës kuqezi në Hagë, reagon e bija e tij: Nga gjoksi mund t’ia zhvishni shqiponjën, por kurrë nga zemra
9 Korrik, 12:54
Keta te gjithe ka pordhe ne shishe - se pari kane me i lodh aq shume, pastaj kane me i turperu, e ne fund me i denu me i sakatu. Nuk e besoj se ndonje prej tyre do mberri te dal i gjall. Uroj te jem gabim shume po se besoj.
Përgjigju