POP 5

Lajmet më të lexuara të 5 minutave të fundit

Sport

Akuzat për trukim në ndeshjen e Superligës, reagojnë Kukësi dhe Kastrioti

Pas Skënderbeut dhe Luftëtarit dy klube të tjera shqiptare që sezonin e fundit ishin në Superligë janë përmendur në një skandat trukimi.

Pas Skënderbeut të dënuar me 10 vite përjashtim dhe 1 mln euro gjobë si dhe Luftëtarit që është nën hetim, sot në mediat sportive shqiptare është publikuar një tjetër lajm tronditës që ka të bëjë me trukimin e ndeshjeve. Sistemi BDFS i UEFA-s ka njoftuar Federatën Shqiptare të Futbollit se sfida e javës së 36 të kampionatit shqiptar të Superligës mes Kukësit dhe Kastriotit është cilësuar si e trukuar.

Sfida në fjalë ka përfunduar më shifrat 3-1 në favor të Kukësit, por 10 minuta para se të përfundonte Kastrioti ishte në avantazh. Skuadra krutane në këtë ndeshje luante mbijetesën, që varej edhe nga sfida në kryeqytet mes Tiranës dhe Flamurtarit, por në momentin që kjo e fundit u mbyll në favor të bardhebluve Kukësi ka përmbysur rezultatin.

Për këtë lajm kanë reguar edhe klubet, me Kukësin që në faqen zyrtare ka deklaruar:

“FK Kukësi hedh poshtë akuzat për trukim të ndeshjes me KS Kastriotin, luajtur më 30 Maj 2019 në stadiumin e Kamzës, ku skuadra jonë fitoi me rezultatin 3-1 duke qenë ekip pritës për shkak të mungesës së fushës. Deklarojmë me përgjegjësi se nuk ka asnjë element që të vërtetojë këtë akuzë.

Ekypi ynë e ka patur jetike këtë ndeshje, për të siguruar vendin e dytë në Kategorinë Superiore dhe për të qenë i sigurtë në pjesmarrjen e kupave të Europës. Ndaj, impenjimi ka qenë maksimal nga skuadra dhe stafi. Ne sigurojmë Uefa-n, institucionet e futbollit në Shqipëri, gjithë opinionin sportiv dhe tifozërinë se jemi të hapur ndaj çdo hetimi dhe se FK Kukësi kurrë nuk është përfshirë në ngjarje të tilla që shëmtojnë futbollin dhe imazhin e Klubit.”

Ndërkohë në reagimin e Kastriotit thuhet se ky lajm është I nxitur dhe se ata ishin klubi që i dhanë bukurinë Superligës sezonin e kaluar.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça