Jakup Krasniqi

Jakup Krasniqi deklaroi se akuzat e Prokurorisë së Hagës për ish-krerët e UÇK-së janë ndërtuar mbi narrativat e atyre që shkaktuan luftën në Kosovë, pra serbëve.

Sipas Krasniqit, drejtësia duhet të qëndrojë mbi të vërtetën.

"Çfarë më shtyu të ndërmarr këtë akt të rrezikshëm? Robëria e gjatë, persekutimet, dhunimi, mërgimet e shumta dhe ekzekutimet e pandërprera që shënuan shekullin e 20-të. Këto akte mizore nuk më thyen, më bënë të vendosur që drejtësia të mos thyhej mbi shpinën e tiranisë. Dashuria për jetën dhe lirinë më bëri ta marr këtë rol. M’u mohua dhe m’u ndalua e drejta më njerëzore, e çdo personi të lindur si i lirë, e drejta për ta dashur hapur vendin tim, për të përcjellë atë që kam mësuar mes dekadash jetë dhe sakrificë. Për këto u prangosa më 4 nëntor 2020. Akuzat janë ndërtuar mbi narrativat e atyre që shkaktuan disa luftëra në Jugosllavi brenda një dekade të vetme. Nuk mendoj se këto akuza i shërbejnë ndonjë drejtësie. Drejtësia nuk mund të ndërtohet në gjuhën e ish-shtypësve, duhet të qëndrojë mbi të vërteta.", tha ai.


Lajmi kryesor:

Gjyqi në Hagë, 4 ish-krerët e UÇK-së: Akuzat janë të rënda, ne jemi të pafajshëm! Po kërkoni të rishkruani historinë e Kosovës