Prokuroria e Posaçme e Kosovës tha të premten se ka ngritur akuzë kundër një pjesëtari të komunitetit serb, nën dyshimet për “krime lufte kundër popullsisë civile”.
Në njoftimin e prokurorisë thuhet se i akuzuari, të cilin ajo e identifikoi me nistoret Ç.J, i përkatësisë kombëtare serbe me vendbanim në Serbi, “gjatë kohës së luftës në Kosovë, prej muajit janar të vitit 1998 deri me 21 qershor të vitit 1999, në territorin e komunës së Istogut, në bashkëkryerje me persona të tjerë, duke i shkelur rregullat e së drejtës ndërkombëtare ka aplikuar masat e torturimit ndaj personave civil, të dëmtuarve Z.M, N.F dhe N.C.”.
I akuzuari ndodhet në paraburgim që nga muaji qershor i këtij viti kur ishte arrestuar nga policia e Kosovës në fshatin Gurrakoc të komunës së Istogut, rreth 70 kilometra në perëndim të Prishtinës.
Zyrtarët serbë thanë në qershor se i arrestuari është 54 vjeçari, Çaslav Joliç, serb nga qyteti i Istogut që jeton në Serbi. Zyra për Kosovën në qeverinë e Serbisë dënoi siç tha “praktikat e gjyqësorit në Prishtinë për të ngritur aktakuza të fshehta kundër serbëve nga Kosova, me dëshmitarë të paqëndrueshëm dhe për t'i dekurajuar ata që të kthehen në shtëpitë e tyre apo të kërkojnë të drejtat e tyre ligjore”.
Kosova doli nga lufta që mori fund me ndërhyrjen e NATO-s, me mbi 10 mijë të vrarë dhe mbi 5 mijë të zhdukur. Që nga përfundimi i luftës, nga sistemi gjyqësor vendës dhe ndërkombëtarë janë dënuar gjithsej 70 persona për krime lufte./VOA
Lajme të tjera
-
Ilir Yzeiri: Kosova nën kryqëzimin e “Fuoco D’Amico”
5 Shkurt, 11:18
-
Albin Kurti: Të kërkosh ‘Asociacionin’ pa e njohur Kosovën, si të serviresh kafe pa filxhan
4 Shkurt, 18:41 -
Kosovë, askush plotësisht i kënaqur me Projektligjin për lirinë fetare
4 Shkurt, 17:35 -
Incidente e fajësime reciproke mes qeverisë e opozitës në Serbi
4 Shkurt, 14:16 -
Erdogan takohet me Kurtin: Turqia e gatshme të ofrojë mbështetje për paqen dhe stabilitetin në Ballkan
3 Shkurt, 21:02 -
Asosacioni dhe pse SHBA bën presion mbi Kosovën
3 Shkurt, 20:27
-
Moti, energjia nga Shqipëria dhe prodhime, tre faktorët që e shpëtuan Kosovën nga kriza energjetike dimërore
3 Shkurt, 16:51 -
Qipro nuk e lejon Kosovën të garojë me simbolet shtetërore në kampionatin e karatesë (VIDEO)
3 Shkurt, 16:34 -
Kurti parashtroi 6 kushte, BE e shpërfill: Kosova ta formojë Asociacionin, është urgjente
3 Shkurt, 11:56 -
Në kulmin e tensioneve me Perëndimin, Kurti viziton sot Turqinë dhe takon Erdoganin
3 Shkurt, 10:26 -
Escobar për tensionet Kosovë-Serbi: Propozimi franko-gjerman, i duhuri për dialogun! Të realizohet Asociacioni i komunave me shumicë serbe
3 Shkurt, 09:15 -
Vuçiç prezanton planin e tij me 10 pika në parlamentin serb: Do të këmbëngulim në formimin e Asociacionit në komunat me shumicë serbe në Kosovë
2 Shkurt, 18:57
