Akuzohet për 48 sulme ndaj grave, 24 prej tyre janë përdhunime, oficeri i policisë Metropolitane pranoi vetëm 12 prej tyre në gjykatë

Një oficer i policisë metropolitane akuzohet për 48 sulme ndaj grave dhe përdhunime të ndodhura gjatë dy dekadave të fundit, duke u kthyer në emrin më famkeq në vendin e tij.

David Carrick, 48 vjeç, tregon se i  takonte disa viktima përmes uebsajteve të takimeve dhe më pas i përdhunonte. Policia dhe prokurorët thonë se ai ka shfrytëzuar pozicionin e tij si oficer për të joshur gratë, më pas për t'i terrorizuar ato që të heshtin për sulmet e tij seksuale dhe degradimin e tyre.

48-vjeçari, i cili i ka përdhunuar gratë për rreth 20 vite rresh renditet si shkelësi më i madh seksual në historinë moderne kriminale.

Met ka kërkuar falje pasi doli se ai kishte rënë në vëmendjen e policisë për nëntë incidente, përfshirë akuzat për përdhunim, midis 2000 dhe 2021.

Carrick u pezullua nga detyra kur u arrestua në tetor 2021.

Kryetari i Bashkisë së Londrës, Sadiq Khan, tha se ishte “absolutisht i sëmurë dhe i tmerruar” nga krimet e Carrick.

Ai tha se duhet përgjigjur pyetjeve serioze se si ai ishte në gjendje të abuzonte me pozitën e tij si oficer në këtë mënyrë të tmerrshme.

Deri në kohën kur u quajt fajtor, asnjë grua nuk e denoncoi zyrtarisht nga frika dhe presioni që ai kishte qenë i aftë t'i ushronte.

Ndihmës Komisionerja Barbara Grey, drejtuesja e Met tha: “Ne duhet të kishim vënë re modelin e tij të sjelljes abuzive dhe për shkak se nuk e bëmë, humbëm mundësitë për ta hequr atë nga organizata.Na vjen vërtet keq që të qenit në gjendje të vazhdojë të përdorë rolin e tij si oficer policie mund të ketë zgjatur vuajtjet e viktimave të tij.”

F.D/SI.E./Shqiptarja.com

TAG:
• perdhunim
• metropolitane
• David Carrick