Akuzohet për falsifikim dokumentesh, arrestohet 63-vjeçari në Vlorë! Në pranga edhe një 57-vjeçar për dhunë në familje

Akuzohet për falsifikim dokumentesh, arrestohet 63-vjeçari në Vlorë! Në pranga edhe një 57-vjeçar për dhunë në familje

Foto ilustruese

Blutë e Vlorës kanë arrestuar sot 3 persona, 2 prej të cilëve ishin shpallur në kërkim nga policia, ndërsa një tjetër është nën hetim nga autoritetet.

Burime bëjnë me dije se një 63-vjeçar me inicialet I(Xh).P., i cili ishte shpallur në kërkim për falsifikim dokumentesh, është arrestuar nga policia.

Gjithashtu është arrestuar dhe 57-vjeçari me inicialet A.L., pasi ishte shpallur në kërkim për dhunë në familje, ndërsa mësohet se gjykata e ka dënuar me 4 muaj burg.

Ndërsa 49-vjeçari me inicialet M.M., ka rënë në prangat e bluve të Vlorës pasi u kap duke drejtuar makinën në gjendje të dehur.

Njoftimi i Policisë
Specialistët e Hetimit të Krimit në Komisariatin e Policisë Vlorë bënë kapjen e shtetasit në kërkim  I(Xh). P., 63 vjeç, banues në fshatin "Bejas", Fier, pasi  Gjykata e Rrethit Gjyqësor Tiranë, me vendimin e  datës 11.12.2021, ka caktuar masën e sigurisë ”Arrest me burg”, për veprën penale "Falsifikimi vulave, stampave ose i formularëve". Shtetasi I. P. u transferua në DVP Tiranë, për veprime të mëtejshme.

Po nga Specialistët e Hetimit të Krimit u bë kapja dhe ndalimi i shtetasit në kërkim A. L., 57 vjeç, banues në lagjen "Ujë Ftohtë", Vlorë, pasi Gjykata e Rrethit Gjyqësor Vlorë, e  ka dënuar me 4 muaj burg për veprën penale “Dhunë në familje".

Po nga këto shërbime u procedua penalisht për veprën penale "Plagosja e lehtë me dashje", shtetasi H. T., 38 vjeç, banues në lagjen “28 Nëntori”, Vlorë, pasi  për motive të dobta, ka goditur me sende të forta  shtetasin E. A., 21 vjeç, i cili ndodhet jashtë rrezikut për jetën.

Specialistët e Qarkullimit Rrugor në Komisariatin e Policisë Sarandë arrestuan në flagrancë për veprën penale "Drejtimi i automjeteve në mënyrë të parregullt", shtetasin M. M., 49 vjeç, pasi u konstatua nga shërbimet e Policisë, duke drejtuar automjetin, në gjendje të dehur. Materialet i kaluan Prokurorisë, për veprime të mëtejshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Pas 5 vitesh mungesë Adele ngjitet përsëri në skenë! Tregon emocionet e rikthimit